Kadifja me vija është një formë me vija e kadifes. Ajo është një tekstile që përbëhet nga fibrat e përdredhura që, kur enden, shtrihen paralel me njëra-tjetrën në vargje.

Shpesh ka një kanal (bosh te pëlhura bazë) midis vargjeve. Megjithëse fjala në dukje rrjedh nga frëngjishtja “corde du roi”, kadifja me vija besohet të jetë prodhuar për herë të parë në Mançester, Angli. Zakonisht e përbërë nga pambuk ose një përzierje pambuku/leshi, kadifja me vija mund të tkurret dhe mban aroma.

Është gjithashtu e vështirë që të hekuroset pa sheshuar strukturën dalluese të pëlhurës kadife. Për këto arsye, tharësit me avull janë ideal për trajtimin e kadifes me vija. Ato mund të thahen lehtësisht dhe të parandalojnë tkurrjen, ato zbusin rrudhat dhe ulin nevojën për hekurosje dhe heqin aromat pa qenë nevoja për larje.

Aftësia e një tharësi me avull për të rifreskuar rrobat pa shkuar te pastrimi kimik është veçanërisht e dobishme vetëm për rrobat që duhet të lahen në pastrim kimik si xhaketat prej kadifeje me vija. /Telegrafi/

Një seancë në sauna është shumë më i efektshëm se një dush për pastrimin e lëkurës duke e bërë atë të butë dhe të shëndetshme.

Nëpërmjet lëkurës dalin jashtë pjesa më e madhe e papastërtive. Në këto elementë kimikë hyjnë edhe: shampot e trupit, xheli i dushit, losionet, sapunët dhe deodorantët.

Sauna rrit dhe përmirëson qarkullimin e gjakut dhe frymëmarrjen. Nëse në nxehtësi enët kapilare hapen, në të ftohtë kontraktohen për reaksion. Në këtë mënyrë qarkullimi i gjakut bën një gjimnastikë të nevojshme, transmeton MIA.

Nxehtësia dhe lagështia e saunës shpërndan dhimbjen dhe relakson muskujt e lodhur. E efektshme sauna është edhe për dhimbjet e artriteve. Këshillohet që saunat në këtë rast të frekuentohen deri në tri herë në javë. Nëse i frekuentoni më shpesh efekti rrezikon të jetë i kundërt.Trajtimi i rregullt i saunës i kombinuar me një dietë të shëndetshme dhe ushtrime gjimnastikore të pranueshme do t’u ndihmojë të humbisni peshë dhe lufton celulitin.

Në këtë periudhë konsumoni shumë ujë pas dhe para seancës së saunës pasi rrezikoni të dehidratoheni. Shmangni konsumimin e pijeve me gaz. Për çdo 30 minuta do të digjni 300 deri në 500 kalori. Sauna, jep gjithashtu çlirim nga astma dhe bronkitet dhe mund të parandalojë të ftohtin.

Dhe ky është vetëm fillimi i një marrëdhënieje, që edhe pse mund të shndërrohet në një marrëdhënie ekskluzive, mund të zgjasë një jetë të tërë.

Pëlqimi është hapi i parë, por më pas kur futesh në bisedë mund të kuptosh që tërësia e gjërave të përbashkëta është shumë më e madhe nga sa e kishe menduar në fillim.

Me një person të tillë ke dëshirë që të lësh edhe një tjetër takim për ta thelluar më tej njohjen dhe dalëngadalë e kupton që pëlqimi shndërrohet e merr formën e romancës. Dhe kur kjo ndodh, atëherë gjërat shkrihen dhe të duket se atë njeri që e pëlqeve aq shumë në fillim e ke njohur prej një jete të tërë dhe nuk arrin të kuptosh dot se si ke mundur më parë të mos e kesh pasur në jetën tënde.

Por kjo lloj marrëdhënie, kjo romancë që mund të shndërrohet në një gjë shumë të rëndësishme, nuk ndodh pa arsye. Studiues të ndryshëm kanë dalë në shumë përfundime në lidhje me këtë fenomen dhe së fundi është botuar një libër, në të cilin pasqyrohen edhe arsyet e një lidhjeje “magjike”. Në fakt, bëhet fjalë për 5 faktorë që ndikojnë në një lidhje të tillë. Ata janë: vulnerabiliteti, proksimiteti, rezonanca, ngjashmëria dhe mjedisi.

Të kuptuarit e të gjitha këtyre proceseve e bën më të lehtë faktin e lidhjes mes njerëzve dhe mbi të gjitha shpjegon faktin se përse në disa raste arsyet e lidhjes apo pëlqimit kanë të bëjnë pikërisht me atë person dhe jo me ndonjë person tjetër. Le t’i shohim të gjithë këta faktorë në veçanti.

Vulnerabiliteti

I pari i faktorëve të sipërpërmendur është tërësisht i kuptueshëm. Kur kemi brenda vetes dëshirën për të qenë të hapur ndaj ambientit të jashtëm edhe personat që na rrethojnë e ndiejnë dhe janë më të predispozuar për të marrë mesazhe nga ne dhe për t’u lidhur.

Madje, në shumë raste, demonstrime të vogla të dobësisë njerëzore na bëjnë shumë më të pranueshëm dhe tërheqës se sa shprehje të forcës sonë apo të qenët në komandë të situatave të ndryshme. Nëse do të themi “Më vjen keq” për një shkelje këmbe, për një mungesë kujtese apo gjëra të vogla të tjera na afron më shumë me të tjerët përreth.

Njerëzit, duke qenë se janë të ndërgjegjshëm që janë qenie me gabime, duan të kenë të bëjnë me qenie të tilla dhe jo me ata që mund të hiqen si perfektë. Dhe kur kaloni barrierën e parë të intimitetit me dikë që pëlqeni është shumë më e thjeshtë rruga që të çon drejt një lidhjeje më të thellë me personin tjetër.

Ka një linjë ndarëse të qartë mes të shfaqurit të pëlqimit ndaj një tjetri përmes metodave të buta e njerëzore dhe të shfaqurit të kësaj ndjenje në mënyrë prepotente e shumë të hapur.

Vulnerabiliteti të bën edhe që t’i besosh personit tjetër. Kur je i hapur për të treguar me sinqeritet se cili je dhe cilat janë dobësitë e tua, krijon një lidhje më të fortë se në rastin kur përpiqesh që të tregohesh se je i pathyeshëm dhe në zotërim të vazhdueshëm të situatës. Një njeri i tillë është i lodhshëm dhe në disa raste e për disa tipa i frikshëm.

Dhe nuk ka gjë më të mirë se kur të dyja palët luajnë në këtë mënyrë, pra duke qenë të hapur e të çlirët. Menjëherë mes tyre krijohet një atmosferë shumë intime dhe një terren i përshtatshëm për të vazhduar më tej në faza të tjera të marrëdhënies.

Një sjellje e tillë e hapur përmes shfaqjes së dobësive personale kursen edhe shumë kohë për dy persona në një marrëdhënie që në rast të kundërt mund të kërkonte shumë më tepër ditë për t’u krijuar dy të njohurve një intimitet të denjë për një marrëdhënie që mund të konsiderohet si romancë.

Afrimiteti

Mund të jetë fati ai që ju bën që të bini kokë e këmbë brenda me një njeri që e shihni për herë të parë, por në këtë rast mund të ndikojë edhe fakti i aftësisë me këtë person shumë të veçantë. Si për shembull, në rastin kur bëhet fjalë për dikë që banon afër jush.

Studimet kanë nxjerrë në dritë se një numër i madh romancash lulëzojnë me persona me të cilët kemi afri qoftë për sa i përket banimit, apo edhe të punuarit bashkë. Pra bëhet fjalë për shanset e mëdha që të jep afërsia me njerëzit. Nëse keni ndërmend që të gjeni shpirtin binjak, bëni mirë që para se të kërkoni në fund të botës të hidhni sytë rrotull më me vëmendje se më parë, sepse ka të ngjarë që është pikërisht afër jush e të mos ta keni vënë re.

Rezonanca

Por sigurisht që afërsia nuk është kushti i vetëm për lindjen e një romance, sepse në një rast të tillë të gjithë do të përfundonim në marrëdhënie me shokët e bankës, apo fqinjët e pallatit. Një nga arsyet më të forta të këtyre lidhjeve është edhe rezonanca. Kjo ka të bëjë me ndjesinë që ke kur je i bindur në shumë aftësi të tuat dhe ndihesh tërësisht komod në lëkurën tënde. Dhe kur arrin në këtë ndjesi ta gjesh edhe te një tjetër dhe së bashku të krijoni një ndjenjë komforti të përbashkët është një fillim i mirë për një lidhje romantike.

Një ndjenjë e tillë vetëbesimi të bën shumë tërheqës për mjaft njerëz rrotull dhe i tërheq të tjerët pas teje si me “mastiç”. Sigurisht që një rezonancë e tillë është më e fortë në kushtet e stimujve alkoolikë, por ka më shumë efekt kur është në kushte normale. Dhe kur dy veta tërhiqen me njëri-tjetrin, situata është shumë “e nxehtë”. Sipas një studimi, ne influencohemi shumë nga ambienti ku jetojmë dhe kemi shumë më tepër shanse që të qeshim për një barsoletë kur jemi në grup se sa po ta dëgjonim të njëjtën barsoletë po të ishim vetëm. Është e vështirë të lidhesh me dikë që nuk ka një sens humori, që nuk është i muhabetit dhe që nuk përçon miqësi. Të gjitha këto në të njëjtën kohë janë shumë të domosdoshme edhe për një lidhje të gjatë e të qëndrueshme.

Ngjashmëria

Harrojeni shprehjen që thotë se të kundërtat tërhiqen. Kjo mund të ndodhë për 5 minutat e para të një njohje deri në momentin që e gjeni veten në një kundërshti me personin që jeni pranë. Një lidhje e mirë nuk mund të ndodhë kurrë në rast se nuk do të ketë mes njerëzve shumë të përbashkëta. Sipas shumë studiuesve, ne jemi të destinuar që të kërkojmë dhe të ndihemi mirë mes njerëzve, me të cilët kemi ngjashmëri, pra kemi ose tipare të përbashkëta, ose ndajmë të njëjtat interesa. Pra jo të kundërtat, por të ngjashmet tërhiqen me njëra-tjetrën.

Mjedisi

Në jetën tonë e dimë mirë se herë pas here takojmë njerëz me të cilët krijojmë marrëdhënie të mira miqësie, pra takojmë njerëz me të cilët shkojmë mirë, të cilëve ua pëlqejmë bisedën, humorin dhe shumë gjëra të tjera. Por sigurisht që një lidhje e qëndrueshme kërkon shumë më tepër se aq. Dhe në një rast të tillë është një lidhje që jo vetëm të çon në martesë, por mbi të gjitha në një marrëdhënie miqësore që zgjat për vite të tëra.

Një nga gjërat që i bëjnë njerëzit bashkë është të kaluarit së bashku të vështirësive, si në rastin e sëmundjeve, të fatkeqësive personale, apo kolektive. Në raste të tilla mes njerëzve vendoset një raport shumë i thellë e i qëndrueshëm, që nëse gjen terrenin e duhur mund të shndërrohet në një raport dashurie të gjatë. Madje, sipas studimeve, del se sa më e madhe të jetë vështirësia aq më të mëdha janë shanset që dy persona që mbrujnë marrëdhënien e tyre në këtë vështirësi t’ia dalin mbanë në krijimin e një lidhjeje afatgjatë.

Si të kombinoni të bërit dashuri në mënyrë të shpejtë, të rehatshme dhe të shfrenuar; të mirat e secilës metodë.

Seksi nuk është gjithnjë njësoj. Kaq e dini të gjithë. Ajo që ndoshta mund të mos dini është se kur vjen puna te të bërit dashuri, çiftet e martuara kanë nevojë për një çikë variacion. Besoni, asnjë çift nuk bën seks të shfrenuar, të gjatë, e pafrymëlënës sa herë që hidhet në shtrat.

Burrat dhe gratë më të kënaqur gjejnë një baraspeshë midis tri grupeve kryesore të të bërit dashuri: seksit të shpejtë, seksit të rehatshëm dhe seksit spektakular. Receta për një martesë fantastike është të dish të baraspeshosh tri metodat e të bërit dashuri.

Seksi i shpejtë

Seksi i shpejtë është një zgjidhje për jetën e ngarkuar, por ai ofron shumë më tepër se kaq. Është më se i përshtatshëm për ato martesa ku burri ka nevojë për më shumë seks/javë se sa gruaja, madje edhe për ato martesa, ku, me kalimin e kohës, nevoja për të bërë dashuri është fashitur. Do të rizbuloni kështu kënaqësinë dhe pasioni do të rikthehet në lidhjen tuaj.

I shpejti është fantastik edhe për në mbrëmje, atëherë kur jeni shumë të lodhura për një seancë të gjatë dashurie, por nuk doni t’ia prishni burrit, sepse edhe vetë doni të ndiheni të lumtura në krahët e tij, por pa shumë lodhje.

Por, dalim në anën tjetër të medaljes. Burrave ju pëlqen seksi i shpejtë, i cili në shumicën e rasteve është i mjaftueshëm për ta. Po ju? Përderisa shkenca thotë se femrat arrijnë në kulmin e kënaqësisë seksuale më ngadalë se burrat, atëherë seksi i shpejtë do t’ju duket si një gjellë e ngrohtë dhe tmerrësisht e shijshme, të cilën ua marrin sapo keni shijuar disa lugë.Atëherë, ç’duhet bërë?

Një çift amerikan, që bënte vetëm seks të shpejtë, përfundoi te terapisti i martesës dhe aty e zgjidhi problemin; por për ne shqiptarët që kemi më shumë besim te forcat tona dhe, aq më tepër, kur këtu s’ka terapistë të tillë, ja disa metoda: Krijoni një atmosferë romantike në banjë, me vaskën e mbushur me ujë të ngrohtë, rrethuar nga qirinj (e keni të lehtë tani që s’ka mjaft rrymë) dhe nisni të fërkoni njëri-tjetrin e të putheni.

Romanticimi do të ngadalësojë ritmet. Nëse ai ende nuk merr vesh, atëherë thuajani me zë të ëmbël se seksi i shpejtë është shumë zbavitës, por se keni nevojë edhe për diçka më të ngadaltë, keni nevojë për më shumë kohë që të ndiheni edhe ju plotësisht të kënaqura.

Seksi i rehatshëm

Është një nga privilegjet e monogamisë. Seksi i rehatshëm është të bërit dashuri që mund të shijohet vetëm nga dy njerëz që e njohin njëri-tjetrin dhe trupat e tyre shumë mirë. Dini në ç’vend të trupit të prekeni e ngacmoheni që të ndiheni të kënaqur.

Nuk ofron surpriza, por edhe kjo është një nga pikat e forta të tij. Nuk do të thotë që meqenëse është i rehatshëm, nuk është eksitus: ndonjëherë pikërisht kjo e njohur mirë ju ndez më shumë.

Nëse ai nuk e pëlqen seksin e rehatshëm, thuajini se ndonjëherë keni nevojë më tepër për ndonjë përqafim, se sa për të bërë dashuri, dhe se ky lloj seksi ju bën të ndiheni të sigurta dhe të kënaqura.

Nëse nuk bindet, bëjini një masazh, ose kërceni një muzikë të lehtë së bashku, sa për t’i kujtuar se seksi nuk është gjithçka. Por kujdes! Shumë seks i rehatshëm mund të jetë i mërzitshëm.

Për të parandaluar këtë rrezik, planifikoni një ditë dhe prisni derisa fëmijët të flenë (nëse s’keni fëmijë, akoma më mirë). Vishuni seksi, hani një darkë të shijshme, dhe pastaj bëni dashuri në tavolinën e bukës. Ndërrimi i zakonit do të sjellë patjetër një ndryshim në eksperiencën seksuale.

Seksi tru-heqës

Ndonjëherë keni fat dhe bëni një nga ato dashuri, që ju kujton se jeni ende një çift i nxehtë. Zakonisht, ja cilat janë rrethanat kur ju përjetoni një takim të tillë të shumëpritur: fëmijët nuk janë në shtëpi; është përvjetori juaj ose jeni me pushime.

Seksi special për raste të veçanta është ai që thyen monotoninë dhe ju jep mundësinë për të rënë sërish në dashuri. Shumë çifte e shpëtojnë martesën e tyre të mërzitshme, pikërisht gjatë pushimeve. Herë të tjera, seksi tru-heqës është rezultat i ndonjë gjëje të re, që funksionon.

Zbuloni rastësisht ndonjë gjë dhe seksi kalon menjëherë nga i zakonshëm në fantastik. Ky zbulim mund të jetë ndonjë pozicion i ri, ndonjë muzikë sensuale që ju prek të tërën, ose çdo gjë tjetër.

Jeta e përditshme mund të bëjë që ky lloj seksi të duket si një ëndërr e parealizueshme. Njerëzit e mbledhin mendjen dhe nuk përpiqen të arrijnë në këtë nivel, sepse mendojnë se do të bëjnë dashuri në këtë mënyrë atëherë kur të vijë koha.

Por ata harrojnë se kur je i martuar dhe me fëmijë nëpër këmbë, atëherë duhet një sforcë më tepër për të ndezur atmosferën. Provoni të bëni dashuri në një dhomë tjetër, ose thuajini burrit kur jeni në publik, se nuk keni veshur të brendshme. Çdo truk i vogël do të funksionojë.

Fantazitë janë një tjetër rrugë për të ngritur jetën tuaj seksuale në një nivel më të lartë. Zbuloni se cilat janë 5 fantazitë kryesore erotike të njëri-tjetrit, zgjidhni nja dy që ju pëlqejnë të dyve dhe pastaj bëjini. Dhe pas tërë këtyre këshillave mbani ndër mend: Askush nuk mund të ketë një jetë seksuale 100% të këtij niveli. Trupi juaj nuk e përballon dot dhe po të mendoheni mirë, as ju nuk do të donit një “tërmet” në shtrat çdo mbrëmje./yllipress/

Paracetamoli shfrytëzohet si analgjetik dhe antipiretik. Efekti analgjetik arrihet duke bllokuar sintezën e prostaglandineve dhe ngritjen e pragut të ndjeshmërisë në dhimbje. Ndërsa efekti antipiretik është pasojë e veprimit në qendrën termorregulluese në hipotalamus.

Marrja e paracetamolit së bashku me ushqimin ose menjëherë pas ngrënies, mund të sjellë deri te veprimi shumë i vonshëm i barit. Prania e fibrave të shumta dietetike në ushqim zvogëlon dukshëm thithjen dhe reagimin e barit.

Përdorimi akut i alkoolit zvogëlon zbërthimin e paracetamolit (si pasojë ndodh veprimi i zgjatur), ndërsa përdorimi kronik shpejton zbërthimin e paracetamolit (e për pasojë ka veprimin më të shkurtë). Me anë të përdorimit të alkoolit, po ashtu mund të rritet efekti i dëmshëm, toksik i paracetamolit në mëlçi.

Përdorimi i paracetamolit rekomandohet një orë para ose dy-tri orë pas ngrënies. Duhet shmangur përdorimin e fibrave dietetike dhe alkoolin. Doza ditore duhet të ndahet në tri-katër doza të veçanta. Kohëzgjatja e përdorimit nuk duhet të tejkalojë një javë.

Përkundrazi, mund të ketë madje efekt negativ, sepse lëkurës i prishet ekuilibri.

Këshillohet pastrimi lëkurës në mbrëmje, duke përdorur në rast të lëkurës së yndyrshme, një xhel pastrues të butë dhe në rast lëkure të thatë, një qumësht pastrues. Më në fund shpëlaje fytyrën me ujë të ftohtë pasi kështu tkurren enët e gjakut dhe njëkohësisht stërviten.

Në mëngjes mjafton kryesisht larja me ujë të pastër të ftohtë. Vetëm nëse lëkura është tepër e yndyrshme, duhet përdorur një produkt pastrues, por kujdes asnjë sapun.

Në rast se keni lëkurë me tendencë për puçrra, parandalimi më i mirë është që lëkura të trajtohet sipas nevojës. Nuk duhet absolutisht të mbiyndyrohet apo tejthahet. Lëkura tepër e lodhur krijon një maskë prej acidi hyaluronik. Parandalues për këtë vepron zinku. Tabletat (të paktën 15 mg në ditë) mund të merren si kurë për 6-7 javë.

Kujdes! Në rast aknesh bëhet fjalë për sëmundje të lëkurës, që vjen nga brenda, pra është hormonale e gjenetike dhe nuk ka të bëjë aspak me pastërtinë.

Kanceri në zorrë të trashë është i dyti për sa i përket shkallës së vdekshmërisë në Kanada. Kjo është sëmundje e cila ndërlidhet me mënyrën e jetës në vendet e industrializuara.

Kjo është vërtetuar me numrin madh të të sëmurëve në Amerikën veriore, Evropë dhe Australi, ku sëmundja është 25 herë më e shpeshtë, se sa të themi, në Afrikë.

Në periudhën 20 vjeçare (nga viti1983 deri në vitin 2002) kanceri i zorrës së trashë është shtuar dukshëm në vendet në zhvillim, falë mënyrës së jetës që praktikohet në vendet e industrializuara.

Për një numër të madh të të sëmurëve karakteristike është ushqimi i dobët, përplot me yndyra, mbipesha si dhe aktivitetet e pakta fizike. Me një modifikim të vogël të këtyre tre parametrave, lajmërimi i kancerit në zorrë të trashë do të mund të zvogëlohej për 70%.

1.

Ushqimi do të duhej të bazohej në sasi më të madhe të pemëve dhe perimeve, që përmbajnë sasi të lartë të vitaminave dhe përbërësve tjerë që ndikojnë negativisht apo ngadalësojnë zhvillimin e kancerit në zorrë të trashë. Konsumimi i mishit të kuq do të duhej të zvogëlohej në masë drastike, ngase përshpejton shfaqjen dhe zhvillimin e kësaj sëmundjeje. Një hulumtim klinik ku kishin marrë pjesë rreth 500.000 nga kontinenti i Evropës ka treguar se njerëzit që konsumojnë shumë pemë dhe perimetër 40% zvogëlojnë rrezikun për t’u prekur nga kanceri në zorrë të trashë..

2.

Mbajtja e një pese normale jashtëzakonisht ka rëndësi.

Personat që kanë peshë të shtuar apo janë të plotë, 50% më shumë janë të rrezikuar nga kjo sëmundje. Konsiderohet se përqendrimi i lartë i insulinës në gjak dhe shfaqja e infeksioneve kronike, janë ato që shkaktojnë zhvillimin e kancerit.

3.

Aktivitetet e rregullta fizike luajnë një rol kyç në parandalimin e kësaj sëmundjeje. Mënyra e të qëndruarit ulur mund të jetë faktor i një sërë sëmundjesh, e në mesin e tyre dhe të kancerit në zorrë të trashë. Një numër i madh i studimeve ka vërtetuar se aktivitetet e rregullta fizike zvogëlojnë mundësitë e shfaqjes së kancerit në zorrë të trashë për 50%. Kjo shpjegohet me faktin se aktiviteti fizik zvogëlon nivelin e sasisë së insulinës në gjak e me vetë këtë parandalon shfaqjen e proceseve infektuese.

Për momentin antispastikët qetësojnë dhimbjen akute, por të përdorur rregullisht si ilaç antingërç, përfundojnë në efektin e “bllokimit” të zorrëve, duke favorizuar shfaqjen e konstipacionit kronik.

Nga këto medikamente është më mirë të preferohen “rregullatorë” të lëvizshmërisë së zorrëve (peristaltika intestinale).

Edhe në këtë rast është e dobishme t’u besosh probiotikëve të cilët riekuilibrojnë florën intestinale. Në barnatore, përveç kësaj, ka mundësi të gjenden medikamente që rregullojnë aktivitetin e zorrëve, duke mbrojtur mukozën dhe duke ristabilizuar ritmin fiziologjik.

Më efikaset janë me bazë fibrash vegjetale si algat, klorofili i lëngshëm etj, në formë pluhuri apo shurupi, merren për një muaj për të ndihmuar zorrën për të gjetur përsëri ritmin e saj.

Së fundi, mjaft efektive është edhe çaji me bazë bimore p.sh. çaj kamomili apo çaji jeshil pas darkës.

Disa ushqime siç janë guacat e detit, çokollatat dhe specat djegës, me shekuj janë njohur si afrodiziakë, por edhe disa ushqime të tjera si shpargu, bananet, dredhëzat, e rritin epshin seksual.

Ushqimet dhe preparatet të cilat nxisin libidon duket të jenë të ngjashëm me placebon (bar që nuk ka efekt), dhe njerëzit vetë e nxisin epshin e tyre.

Më e rëndësishme është ajo që njeriu ka në tru se ajo që ka në bark, mirëpo nëse mendoni se ushqimet e veçanta kanë ndikim te ju, duhet t’i përdorni.

Sipas studimeve, mosfunksionimi seksual ndonjëherë është pasojë e sëmundjeve vaskulare. Kështu duke marrë ushqime të shëndetshme do t’i mbani enët e gjakut të shëndosha dhe si rrjedhim epshi seksual do të jetë më i mirë.

Përveç preparateve, secila zonjë ka ndonjë truk të bukurisë së saj. Që të dukeni sa më mirë, ua zbulojmë ne thesarin e mençurisë, kur është fjala për bukurinë.

Për ju kemi zgjedhur nëntë rregullat më të rëndësishme, të cilat rekomandohen nga parukierët, grimierët dhe dermatologët.
Uji

Gjithmonë pini lëngje të mjaftueshme. Nuk do të thotë të pini tetë gota në ditë, por aq sa ju duhet për të mos pasur etje. Këshillë ekstra: Pini një gotë ujë para secilit vakt dhe kurrë nuk do të hani tepër.

Mbrojtja nga rrezet ultravioletë

Përdorni kremra mbrojtës, pa marrë parasysh a është moti i vranët, me diell apo me shi. Rrezet dëmtuese të diellit janë shkaktari më i shpeshtë i kancerit të lëkurës, por edhe i plakjes së saj të parakohshme. Këshillë ekstra: Përdorni kremra të përditshëm me faktor 15 të mbrojtjes nga rrezet ultravioletë. Kjo është më e pakta që mund të bëni për tonin tuaj.

Retinoli

Mundeni të ndikoni në një ton më të bukur edhe kur jeni në gjumë. Ndjeni magjinë e retinolit. Ky përbërës i kremrave stimulon formimin e kolagjenit, mënjanon qelizat e vdekura dhe stimulon qarkullimin e tyre. Këshillë ekstra: Efekti do të jetë i dukshëm, e lëkura do t’ju jetë mirënjohëse.

Kujdesuni edhe për qafën

Njësoj si silleni me fytyrën tuaj, silluni edhe me duart dhe qafën tuaj. Lëkura në qafë është më e hollë dhe ka nevojë për më shumë kujdes, për këtë arsye mos e lini pa u kujdesur për të. Duart gjithashtu, kanë nevojë për kujdes. Këshillë ekstra: Secilën herë kur përdorni krem për fytyrë, merrni edhe pak krem dhe përdoreni në qafë, e pastaj fërkoni duart.

Kremra për nxirje

Përdorni kremra për nxirje të tonit që edhe ai te ndizet dhe të duket i shëndetshëm. Evitoni rrezitjen e tepërta.

Këshillë ekstra: Blini locione, të cilat përmbajnë faktorë të nxirjes – do t’i mbuloje venat dhe kapilaret e zgjeruar, e këmbët do t’ju duken më vitalë.

Ushtrimet

Ushtroni muskujt e fytyrës. Kjo është njëkohësisht mënyra më e shpejtë, por edhe më e lirë, te mundësoni qarkullimit e lëkurës, sepse do të formojë një depo të oksigjenit. Kjo do të kontribuojë për një ton më të shëndoshë dhe më të freskët.

Këshillë ekstra: Çdo mëngjes, para se të shkoni në punë, kur të pastroni fytyrën dhe dhembët, së paku për dhjetë sekonda bëni grimasa para pasqyrës.

Pemë dhe perime të freskëta

Radikalet e lirë luajnë një rol të rëndësishëm në procesin e plakjes. Beni pemët dhe perimet e freskëta, të cilat përmbajnë antioksidues, vitamina A, C dhe E, pjesë të ushqimit tuaj. Këshillë ekstra: Antioksiduesit mund t’i përdorni në fytyrë përmes preparateve të ndryshme.

Modeli i flokëve

Flokët e prera mirë vlejnë më shumë se cilido preparat për kujdes të flokëve. Modeli i flokëve është sikur fustani: Nëse e keni një model qe ju rri mirë, stolitë janë te tepërta.

Këshillë ekstra: Se paku një herë në vit caktoni termin të një floktar me renome.

Veprat e mira

Nëse bëni diçka qe ju bën të ndjeheni mirë, mundësia është e madhe që të keni një fytyrë të lumtur. Studimet kanë zbuluar se personat qe duken të lumtur janë më të dëshirueshëm.

Këshillë ekstra: Jini te sjellshëm ndaj personave te dashur, por bëni diçka të mirë edhe për ndonjë kolege, fqinj.