Acidi hialurinik me përbërje jo-shtazore përdoret për injektim nën lëkurë me qëllim të korrektimit dhe mbushjes të vijave, rrudhave, rritjen e volumit të buzëve, formësimin e konturave të fytyrës, etj.

Acidi hialurinik, përbërës natyral i lëkurës që bënë stabilizimin e strukturave ndërqelizore duke ndikuar në prodhimin e rrjetit të kolagjenit dhe elastines me që rast bëhet edhe ndërtimi i strukturës fibroelastike të lëkurës.

Është në formë geli steril (acidi hialurinik i stabilizuar) me përbërje jo-shtazore dhe përdoret për injektim nën lëkurë me qëllim të korrektimit dhe mbushjes të vijave, rrudhave, palëve në fytyrë, rregullon relievin, revitalizimin, hidratimin e thellë, rritjen e volumit të buzëve dhe formësimin e konturave të fytyrës.

Metoda e injektimit është e shpejtë, e sigurt, pa dhimbje, joinvazive. Mund të kombinohet edhe me metoda të tjera (laser, botox, lifting kirurgjik) duke dhënë rezultate të shkëlqyeshme (Face contouring/ Rejuvenation). Rezultatet e parë janë të dukshme edhe menjëherë pas injektimit dhe zgjasin më shumë se një vit. Fillers nuk jep rezultate permanente.

Rekomandohet të bëhet një herë në vit

Pastrimi i flokëve është njëri ndër parakushtet për flokë të shëndetshëm. Vodka dhe lëngu i limonit largojnë papastërtitë që janë grumbulluar tek flokët tuaja para larjes.

Limoni dhe vodka janë pastrues fizikë.
Vendosni në një vend të freskët e të thatë një enë prej qelqi ose plastike me:
* 1 kupë (230 ml) ujë të distiluar
* 1/4 kupë (60 ml) vodke
* Lëngun e një limoni

I përzieni ujin e distiluar, vodkën dhe lëngun e limonit derisa të bëhen një masë. Si përzierje do të ndahet gjatë precipitimit.

Derdheni këtë masë, e cila do të shërbejë si para­shampo te flokët tuaja. Kështu keni vendosur losion përforcues për flokët. /Telegrafi/

Vaji i ullirit i ushqen flokët. Mjafton ta aplikoni në flokët tuaj, ta lini në qetësi nga disa orë për disa ditë dhe do të shihni rezultatin….

Të gjithë ne dëshirojmë që të kemi flokë të gjatë, me shkëlqim dhe të bukur. Ju mund ta keni flokun e tillë për vetëm 9 ditë…

Merreni një enë dhe në të shtoni pak vaj ulliri me masë që të mbulojë të gjithë flokun tuaj. Pasi të arrijë një temperaturë mesatare, atëherë e largoni nga ena dhe me të i lyeni flokët. Këtë masë e mbani për disa orë në kokë. Më efikase është që masa të mbahet në kokë për më shumë orë. Pastaj i shpërlani mirë e mirë që mos të mbetet vaji në kokë.

Kjo procedurë vazhdon për 9 ditë dhe ju menjëherë do të shini ndryshimin, duke qenë floku juaj, vërtet më ndryshe. /Telegrafi/

Mënyra e ekuilibruar e të ushqyerit luan një rol të rëndësishëm në pamjen dhe zhvillimin e flokëve.

Rënia e flokut përbën një nga problemet më të shpeshta të epokës moderne. Mesatarisht koka përmban rreth 200.000 fije flokësh. Çdo ditë bien 80-100 flokë, çka është një sasi normale.

Ekzistojnë mjaft faktorë që ndikojnë në rënien dhe rrallimin e shpejtë të flokëve, por më i rëndësishmi prej tyre është mënyra jo e saktë e të ushqyerit. Kjo sjell si pasojë dobësimin e flokut, i cili nuk merr substancat ushqyese për të cilat ka nevojë. Disa faktorë të tjerë ndikues janë edhe trashëgimia, mosha, stresi dhe ankthi.

Humbja e menjëhershme në peshë është një faktor tjetër që ndikon në dobësimin dhe rënien e flokëve. Ushqimi i pakët dhe i varfër ndalon thithjen e vitaminave dhe substancave ushqyese nga floku. Floku i dobët tregon mungesë të hekurit, e cila mund të jetë shkaktuar nga dieta ekspres ose edhe prej menstruacioneve të vështira.

Rënia e flokëve është një problem që shqetëson mjaft femra. Kërkime shkencore kanë treguar se 72% të femrave me probleme të rënies së flokëve, vuajnë nga mungesa e hekurit. Për këto raste këshillojmë konsumimin e ushqimeve të pasura në hekur, si p,sh perime të gjelbra, mish të kuq, mëlçi dhe thjerrëza. Kujdes të madh i duhet kushtuar edhe konsumimit të kafes dhe çajit menjëherë pas drekës ose darkës, sepse ngadalësojnë thithjen e hekurit nga organizmi.

Një substancë e nevojshme për flokët është edhe zinku, i cili merr pjesë në sintezën e proteinave që nevojiten për rritjen dhe zhvillimin e flokut. Ushqimet më të pasura në zink janë kërpudhat dhe prodhimet e detit.

Le të mos harrojmë gjithashtu që floku përbëhet nga uji në masë 25%. Për këtë arsye duhet pasur parasysh që hidratimi i saktë i organizmit ndihmon rritjen e mirë të tyre. Pra, nëse ndjekim një mënyrë të saktë të të ushqyerit, të pasur me fruta, perime, mish, peshk dhe qumësht, mund të sigurojmë flokë të shëndetshëm. /Telegrafi/

Shkencëtarët suedezë thonë se flokët bien më shumë në stinën e vjeshtës.Një nga faktorët e jashtëm që ndikojnë negativisht, janë era dhe shiu.

Sipas një studimi, ekspertët kanë vëzhguar 800 femra për një periudhë gjashtëvjeçare dhe kanë vërejtur se gjatë vjeshtës ato kanë humbur më shumë flokë.

Shkencëtarët suedezë kanë zbuluar se faza e qetësisë te femrat, fillon në korrik dhe përfundon rreth 100 ditë më vonë, afërsisht në tetor.

Deri tani mendohej se shkaku për rënien e flokëve është evolutiv dhe se flokët ekzistojnë për të mbrojtur kokën nga rrezet e diellit.

Keni flokë të thatë edhe pse mbase i keni provuar të gjitha mënyrat e mundshme, dhe flokët tuaj kanë mbetur përsëri po të njëjtët?

Sa herë që i krihni elektrizohen dhe nuk kanë fare shkëlqim? Ne sot do t’ju këshillojmë disa maska për flokët tuaj. Maskat e flokëve të përgatitura në shtëpi janë mënyra më e mirë dhe më ekonomike për ta zgjidhur problemin tuaj.

1-Maskë me kos.

Përzjieni të bardhën e një veze në mikser derisa të trashet, por jo plotësisht nga përmbajtja. Përzjieni gjashtë lugë kos pa yndyrë me disa pika vaj ulliri derisa masa të bëhet e njëtrajtshme. Masën e përgatitur aplikojeni me gishta në kokë edhe në rrënjët e flokut duke e lënë për 15 minuta. Më pas, lajeni kokën si zakonisht. Këshillohet të përdoret 1 herë në javë derisa të shihni një rezultat të kënaqshëm.

2-Maskë prej veze.

Kjo maskë është shumë më e thjeshtë se sa maska me kos. Flokët duhet t’i keni të lagura përpara se të aplikohet maska. Përzjieni dy vezë me dy lugë ujë të vakët, 1 lugë vaj ulliri dhe pasi ta keni përgatitur maskën aplikojeni tek flokët e lagur.

Maskën lëreni në kokë për 15 minuta dhe gjatë asaj kohe masazhojeni herëpas here sklapin e kokës me majat e gishtave. Pas kësaj lajeni kokën si zakonisht dhe shumë shpejt do të vini re ndryshimin në flokët tuaj të tharë.

Meqenëse bëhet fjalë për acid, jogurti i mollës do të largojë të gjitha shtresat e preparatit dhe nuk do t’i dëmtojë flokët.

Jeni në hall sepse floku juaj është i dobët? Nuk keni ide se si të kujdeseni për të? Ja një recetë e lehtë që t’ju vie në ndihmë:

Kur flokët duken të dobëta, për shkak të shtresimit të preparateve për dhënien e formës, atëherë është më mirë që t’i lani ato me jogurt molle-i cili do ta kthejë vëllimin dhe shndritjen e flokëve tuaj. /Telegrafi/

A është e rëndësishme për ju që të keni nje pamje joshëse? Thonë që gjysma e bukurisë së femrës është tek flokët, dhe në fakt kjo është më se e vërtetë. 

Sekreti i gjithë kësaj është të dukesh sa më shumë natyrale dhe origjinale njëkohësisht. Hit i vërtetë i këtij sezoni janë ngjyrat e ëmbla. Ngjyra karamel, ngjyra karrot e ëmbël, por më e preferuara është ngjyra e mjaltit me nuanca.

Për të arritur një ngjyrë sa më origjinale, në fillim mund të aplikohen fijet për flokët e më pas të lyhen flokët me një ngjyrë me të hapur në mënyrë që të neutralizohet ngjyra dhe të japë një efekt mahnitës.

Ngjyra e flokut të Jennifer Aniston është ngjyrë e lehtë kafeje’ , thonë Negin, nga salloni ‘Sally Hershberger’, që gjendet në Los Angeles.

Këtë sallon Aniston e viziton për ta forcuar ngjyrën.

“Ngjyra e Jennifer mund të ketë efekt tek shumë njerëz, sepse është e thellë dhe e ndryshme, qa e thellë me tonet e lëkurës, e po ashtu edhe me ngjyrën e syve të saj”, thotë Negin.

Kërkoni edhe ju nga stilisti juaj për një ngjyrë më të lehtë kafeje.

Kur njerëzit ndryshojnë shamponin e tyre te rregullt, kondicionerin apo çfarë do produkti tjetër për flokë, ata natyrisht i japin vëmendje shtesë gjendjes së flokëve dhe kokës së tyre.

Farmacist Krenar Dobroshi
M. Sci. Kozmetologji

Nëse vërejnë ndonjë përmirësim nga produktet e përdorura, njerëzit, lavdërojnë produktin e ri. Po ashtu, nëse vërejnë ndonjë gjë negative ata fajësojnë produktin. Në qoftë se ata vërejnë se flokët u bien, ata fajësojnë produktin po ashtu – edhe nëse humbja ka vazhduar për muaj. Ata mund të fillojnë të besojnë se do të mbeten pa flokë (alopecia totalis).

Hulumtimet tregojnë se përderisa shumë njerëz kuptojnë që rënia e flokëve është një proces normal në ri-rritjen e flokëve, të tjerët e lidhin atë me përdorimin e shamponëve të ‘papërshtatshëm’ në vend të fajësimit të shkaqeve të tjera si krehja apo larja apo ndërhyrjet tjera kimike.

Vetëm pak njerëz i njohin faktorët si lindja e fëmijës, medikamentet, dieta, trashëgimia gjenetike ose sëmundjet si shkaktarët e mundshëm të humbjes së flokëve, megjithëse të gjitha këto janë të njohura për shkencëtarët e flokëve.

E vërteta është se shamponët nuk shkaktojnë rënien e flokëve. As nuk kanë ndonjë efekt mbi normën e përditshme të humbjes, apo në normën e rritjes së flokëve. Jo çuditërisht, më shumë flokë bien në ditët kur flokët lahen me shampon se në ditët kur nuk lahen për shkak të veprimit të thjeshtë mekanik të larjes së flokëve. Kufiri i pranueshëm i rënies së flokëve në ditë është rreth 100 fije. Kjo sasi është normale dhe nuk nënkupton humbjen e flokëve. /telegrafi/