Lëkura e fytyrës vuan kur gjëndrat dhjamore punojnë në mënyrë të sforcuar. Në të shfaqen aknet, paraqiten poret e zgjeruara, në të cilat zvarriten papastërtitë, ndërsa të pashmangshme janë edhe pikat e zeza. Ja disa këshilla se si të liroheni nga pikat e zeza në fytyrë.

Lëkurën me pika të zeza duhet ta pastroni dy herë në ditë me losion dhe rregullisht ta lyeni me kremra adekuate.

• Rreth dhjetë minuta, të mbuluar me peshqir avullojeni fytyrën përmbi enë me ujë të nxehtë. Po ashtu, peshqirin e nxehtë duhet ta mbani disa minuta në fytyrë, por mos prisni rezultatin e njëjtë.

• Pas avullimit fytyrën trajtojeni me peeling, të cilin mund ta përgatisni nga mielli i misrit dhe uji, ose për shembull nga sheqeri, vaji i ullirit dhe lëngu i limonit, varësisht prej asaj se çka keni momentalisht në kuzhinë. Pavarësisht se cilin e zgjidhni, me lëvizje rrethore bëni masazh në fytyrë. Lëkura do të jetë e pastruar, por edhe e butë.

• Për fund, ushqeni fytyrën me maskë të bërë nga një lugë tharmë dhe gjysmë luge lëng limoni, aplikojeni në fytyrë dhe mbajeni 15 minuta.

Poret do t’i rrudhë edhe kastraveci. Preni në copa, hidhni lajthi të bluara dhe para se ta vëni në fytyrë mbajeni një orë në frigorifer. Këtë maskë vendoseni në fytyrë çdo të tretën ditë.

Për të fshehur njollat e kuqe mbi lëkurë, të shkaktuara nga të ftohtit, zgjidh një korrektor me nuancë të gjelbër.

Në dimër lëkura tenton të skuqet (sidomos kur është e hollë dhe e ndjeshme). Ja dy zgjidhje:

- Para së gjithash, duhet ta lehtësosh lëkurën me një krem specifik antiskuqje.

- Më pas, fshih skuqjet me një korrektor jeshil (ngjyrë komplementare me të kuqen, e gjelbra i fsheh mirë skuqjet). Aplikoje me gishta në sasi të vogla, në mëngjes para se të vendosësh bazën.

Nëse vuan nga skuqjet, shmang kremrat hidratues me përbërje acidesh të frutave ose retinoli, të cilat mund të provokojnë skuqje të zonave të ndjeshme. Zgjidh një pastrues make up-i hidrarues me bazë sapuni. /Telegrafi/

Përveçse kanë aromë të këndshme dhe formë praktike, lëvorja e kastravecit vepron në mënyrë qetësuese mbi lëkurën.

Qëroni kastravecin në lëvore të holla, vendosni ato për dhjetë minuta në një pjatë me ujë të ftohtë (vendosni në pjatë edhe disa kocka akulli), dhe pastaj vendosini mbi kapakë ose në gjithë fytyrën.

Kastraveci e zbut dhe e lëmon lëkurën dhe do t’ju qetësojë dhe çlodhi në çdo kohë. Me aq shumë përmbajtje dhe vitamina që ka kastraveci, është bërë shumë i përhapur si në maska fytyre, lëngje dhe shumë e shumë produkte të tjera.

Falë edhe vetisë freskuese, ai do të jetë një ndihmës magjik për shumë probleme të lëkurës, si edhe për pastrimin e thellë të saj.

Bukuria dhe shëndeti nuk mund të “krijohen” në pak ditë. Kujdesi për lëkurën dhe fytyrën, parandalimi i rrudhave, njollave dhe akneve nuk janë veprimtari që japin efekt brenda ditës.

Gjithsesi, në situata të caktuara gjithkush përballohet me emergjenca – një party, një takim, një intervistë pune, etj.

A mund të eliminohen në kaq pak kohë probleme të krijuara në muaj apo vite të tërë kujdesi të pamjaftueshëm për lëkurën? Vizita tek një qendër e specializuar mund ta bëjë të mundur këtë “magji”. Lexoni këshillat në vijim…

Fytyra e enjtur ose e skuqur

Në se keni enjtje apo skuqje të fytyrës dhe dëshironi ta largoni atë brenda një ose dy ditëve, vizitoni një mjek dermatolog. Rekomandimi i përshtatshëm për ju mund të jetë një krem me përmbajtje të lartë kortizoni, i cili mund të merret vetëm me recetë mjeksore. Kremi me përmbajtje kortizoni vepron lokalisht, shpejt dhe arrin rezultat brenda pak ditëve nga fillimi i përdorimit. Për raste kur kërkohet efekt veçanërisht i shpejtë ose kur problemi i reziston trajtimit me kortizon, mjeku mund të rekomandojë edhe produkte me efekt më të fortë si p.sh. një pomadë me përmbajtje preparatesh imuno-supresore.

Lëkurë pa shkëlqim

Zgjidhja perfekte për trajtimin e lëkurës pa shkëlqim është peeling me acid glikolik ose trajtimi me mikrodermoabrazion. Të dy këto trajtime largojnë shtresën e qelizave të vdekura që grumbullohet në sipërfaqen e lëkurës dhe i heq asaj shkëlqimin. Rezultati? Lëkura merr shkëlqim duke i dhënë fytyrës një pamje të shëndetshme dhe të rinuar. Koha e nevojshme? Brenda ditës.

Akne

Peeling me acid glikolik ose acid salicilik janë zgjidhje përfekte edhe për këtë problem të shpeshtë të lëkurës. Përveç largimit të shtresës së qelizave të vdekura nga sipërfaqja e lëkurës, këto acide (sidomos acidi salicilik) kanë vetinë të largojnë edhe qelizat e vdekura që bllokojnë poret e lëkurës dhe shkaktojnë aknet.

Akne të komplikuara

Një pomadë me antibiotik (që merret me recetë mjeku) mund të ndihmojë në eliminimin e puçrrave të kuqe të akneve. Pomada me antibiotik rekomandohet të përdoret vetëm në zonën ku ndodhen puçrrat. Në rast se aknet shoqërohen me ciste të dhimbshme, mund të rekomandohet trajtim për disa ditë me kortizon sistemik (vetëm me këshillë dhe recetë nga mjeku).

Rrudha

Pjesa më e madhe e rrudhave që nuk lidhen me mimikën eliminohen pothuajse menjëherë nëpërmjet trajtimit me fillera dermal (acid hialuronik). Përsa i takon rrudhave që lidhen me mimikën, si rrudhat e ballit, rrudhat midis vetullave dhe rrudhat në cepat e syve, trajtimi i tyre me botoks jep rezultat si rregull brenda 2-3 ditëve.

Lyerja e miteserit me ngjitës, dhe pastaj largimi i “shiritit” të tharë, është një variante shtëpiake e veprimit të ngjashëm me shiritat kozmetikë të pastrimit të lëkurës.

Megjithatë, dermatologët në mënyrë kategorike kundërshtojnë përdorimin e ngjitësit për këtë qëllim, në radhë të parë për shkak të mundësisë së dëmtimit të lëkurës, që mund të shkaktojë dermatit- skuqje e pakëndshme dhe kruarje, sikurse në rastet e reaksioneve ndaj dyllit depilues.

Edhe nëse e bëni këtë ngjitës-piling pa e dëmtuar lëkurës, ajo që do të largoni nga lëkura do të jetë yndyrë dhe jo miteser.

Vendosja e qeskave-filtër, të cilët më herët janë tretur në ujë të ftohtë, mbi kapakë, qetësojnë lëkurën.

Përveçse këto kompresa të ftohta lehtësojnë ënjtjen, kafeina (e pranishme në çaj) ngushton enët e gjakut dhe në këtë mënyrë tërhiqet skuqja dhe ënjtja.

Kështu, acidi taninik nga çaji vepron si astringjent (pastron lëkurën dhe ngushton poret), i cili gradualisht tendos lëkurën.

Megjithatë, shmangni përdorimin e çajit të zi, sidomos atij anglez, sepse përmban materie të cilat e irritojnë lëkurën. /Telegrafi/

Shpesh për shkak të dembelisë apo pakujdesisë i bëjmë disa gabime, të cilat kanë të bëjnë me higjienën personale dhe me pamjen tonë.

Dëgjoni këshillat e dermatologëve, në mënyrë që ta dini se si të përkujdeseni për trupin tuaj dhe çka duhet të evitoni.

1.Nuk e hiqni grimin nga sytë

Pastrimi sipërfaqësor i fytyrës është gabimi më i shpeshtë i shumicës së femrave. Në mënyrë që ta hiqni grimin nga fytyra ashtu si duhet, si dhe që të mos ju paraqitet skuqja në dhe rreth syve, përdorni gjithmonë preparate kualitative për heqjen e grimit, i cili përmban ekstrakt të kamomilit.

2.I kafshoni buzët

Për shkak të kësaj shprehie të keqe, vjen deri te shkatërrimi i mukozës, e cila është një mbrojtje natyrale e organizmit. Kjo çon edhe deri te dehidrimi i buzëve, gjë që e vështirëson gjendjen edhe më shumë. Kjo dmth se buzët nuk duhet t’i lëpijmë shpesh, ngase një gjë e tillë vetëm sa i thanë edhe më shumë.

3.Shkulja e çrregullt e vetullave

Nuk preferohet që të shkulni vetullat pak nga pak, sa herë që t’iu teket, sepse në këtë mënyrë do të keni vetulla të çrregullta. Në mënyrë që vetullat të jenë në përputhje me fytyrën, shkuljen e tyre duhet ta bëjë eksperti.

4.Nuk përdorni qumësht për pastrimin e fytyrës

Qumështi për pastrimin e fytyrës nuk është krem hidratues, i cili duhet të lihet që të veprojë, por duhet të hiqet me ujë ose tonik. Nëse qumështin kozmetik e lini për një kohë të gjatë në fytyrë, atëherë lëkura juaj do të thithë përbërësit e tij, të cilët janë të dëmshëm për organizmin.

5.Nuk i lyeni thonjtë si duhet

Nëse pas vënies së llakut të thonjve nuk veni përforcues, atëherë gaboni. Ky preparat i bën thonjtë më shkëlqyes, duke e rritur edhe qëndrueshmërinë e llakut në të njëjtën kohë. Problemi i vetëm është se ky preparat teret ngadalë.

6.Dëmtoni lëkurën rreth thonjve

Lëkurën rreth thonjve duhet shtyrë me “shkop” kozmetik, pasi që e keni zbutur më parë. Lëkura rreth thonjve i mbron thonjtë, prandaj heqja e saj mund të rezultojë me infeksione serioze.

7.Pas larjes, nuk e fshini trupin si duhet

Kur jeni përngutë, e bëni dushin me shpejtësi dhe nuk e fshini trupin si duhet. Në mënyrë që ta evitoni skuqjen dhe irritimin e lëkurës, sidomos në palosjet e saj, duhet që pas dushit, lëkurën ta terni mirë e mirë. Dermatologët preferojnë edhe vënien e talkut.

8.I ndrydhni puçrrat

Shumë femra kënaqen duke shpërthyer puçrrat. Heqja e papastërtive nga fytyra kurrsesi nuk preferohet që të bëhet me gishta, për shkak se mund të shkaktoni infektime të pjesëve të tjera të trupit, e me këtë e rrezikoni edhe plasjen e kapilarëve.

Aktorja më seksi e të gjitha kohëve, Monica Belucci, ka publikuar disa “sekrete” të vogla të bukurisë së saj, të cilat, siç thotë ajo, i mësoi nga gjyshja e saj.

Bellucci është sikur vera, sa më e vjetër aq më e mirë. Edhe pse është në moshën 48 vjeçare aktorja italiane Monica Belluci aspak nuk turpërohet që të shfaqë trupin e saj.

Të gjitha femrat, do të ishim të lumtura nëse do të kishim lëkurën e saj, pasi të kalojmë të 40-at. Ndaj për t’ia arritur këtij qëllimi, po publikojmë sot disa “sekrete” të vogla të bukurisë së saj, të cilat, siç deklaroi aktorja e madhe, i mësoi nga gjyshja e saj:

* për të shmangur erën e keqe të gojës, përtypni gjethe të freskëta dhiozme.

* përgatisni vetë në shtëpi një losion për të fshirë makijazhin, duke përdorur qumësht ose kos. Vendosni një sasi të vogël në pak pambuk dhe lyeni me të gjithë fytyrën. Pastaj shpëlajeni fytyrën me ujë të rrjedhshëm e të ftohtë.

* për të “shuar” pikat e zeza në fytyrë, prini një fetë domateje dhe vendoseni në vendet ku keni më shumë; pastaj shpëlajeni fytyrën me ujë të rrjedhshëm.

* nëse keni probleme me aknet, kamomili është zgjidhja e duhur. Pasi ta keni zier mirë, kullojeni dhe lëreni të ftohet, derisa të jetë në temperaturën e dhomës dhe pastaj lyeni fytyrën. Këtë veprim kryejeni çdo ditë për rreth dy javë dhe do të keni rezultat të kënaqshëm.

* nëse thonjtë tuaj thyhen lehtë, rrihni mirë një të verdhë veze, hidheni në një tas dhe mbajini gishtat aty për 5 minuta.

/Telegrafi/

Pastrimi i lekures ne menyre te embell dhe ne te njejten kohe ne thellesi te saj behet nepermjet perdorimit te avullit.

Nese nuk keni kohe te shkoni tek estetistja, mund ta beni dhe ju vete ne shtepine tuaj duke thithur avullin e ujit te ngroht. Ky sistem mund te perdoret per te gjithe trupin.

Kjo lloj teknike pastrimi i perket qe ne kohen e romakeve. Te mirat primare jane: hap poret, heq qelizat e vdekura, permireson qarkullimin, te lejon nje pasterti ne thesi te lekures dhe eshte efikase per acnet dhe pikat e zeza. Avulli, pervec te tjerash ndihmon ne aksionin e trajtimeve estetike: kremrat hidratante penetrojne me ne thellesi, pasi poret jane te hapura mire, produktet eksfoliante japin rrezultat te mire.

Por si ta bejme? per fytyren ju mjafton uje mi ngrohte dhe nje peshqire. Pasi te keni hequr makiazhin, ulni koken mbi ene( rreth 30 cm distance) dhe qendroni pa levizur nen peshqire per 5- 10 minuta me pas shpelani fytyren me uje te ftohte. Me pas beni nje maske te mire. Mos u frikesoni nese ne fund te trajtimit me avull fytyra do te marr ngjyre roze, eshte efekti i vazodilatatimit te nxehtesise

Disa lloje të maskave më interesante per ju,që mund ti përgatisim vetë në kushte të shtëpisë.

Vitrinat e dyqaneve janë plot me produkte për lëkuren dhe shumë prej tyre premtojnë heqjen e rrudhave, disa zbutjen e lëkurës e të tjera janë kundër acarimit dhe infektimit.

Maskat që i rekomandojnë ekspertet e salonit të ondulimit dhe të zbukurimit coiffeur & Frizer Ymeri përmbajnë Acide Alfat Hidroksike. Këto acide vijnë nga ushqime natyrale si qumështi, portokalli, limoni, sheqeri etj. Disa nga këto acide mund edhe të prodhohen kimikisht.

Dermatologët janë të sigurt se këto acide zbusin lëkurën dhe ndihmojnë në procesin e largimit të qelizave të vdekura duke sjellë në pah qelizat e reja dhe të shëndetshme.

Në të njëjtën kohë këto acide kurojnë dëmtimin e lëkurës nga rrezet e diellit, këtu nuk bëhet fjalë për djegien e lëkures, por për efektin qe ka dielli mbi fytyrën e ekspozuar prej një kohe të gjatë (rrudhat, pigmenti, qukat etj.)

Ata që i kanë përdorur Acidet Alfa-Hidroksike për një kohë të gjatë dhe në mënyrë sistematike kanë treguar shenja përmirësimi në zbutjen e lëkurës, rrallimin e rrudhave dhe largimin e qelizave të shtresës së vdekur sipërfaqësore të lëkurës.

Por duhet të kini kujdes, sepse përdorimi i kremrave që përmbajnë këto acide e bën lëkurën shumë të ndejshme ndaj rrezeve diellore prandaj duhet përdorur patjetër krem plazhi kudra djegjes së lëkurës.

Kohët e fundit po prodhohen dhe tone që përmbajnë krem që të mbron nga dielli me numër 15 apo 16 dhe kjo përbën një zgjidhje fantastike.

Shoqëria duhet te sensibilizohet ndaj përdorimit të kremit të plazhit veçanërisht në fytyrë por edhe në krahë, jo vetëm për të ndaluar procesin e plakjes së lëkurës por edhe për t’u ruajtur nga kanceri i lëkurës.

Maska për fytyre te yndyrshme!

1 të bardhtë e vezës
1 lugë të gjellës lëng të karotave
2 lugë miell
Përzihen mirë të gjitha këto, dhe masën e fituar e shpërndan në fytyrë. E len të qëndrojë 20 minuta, pastaj fytyrën e shpërlanë me ujë të nxehtë.

Maska nga vezët (për lëkurë më të butë)

1 të bardhte e vezës
2 lugë miell
1 lugë mjaltë
Së pari përzihet te bardhte e vezës e pastaj i shtohet mjalti e më pastaj edhe mielli. Maska e fituar shpërndahet nëpër fytyrë dhe e len të qëndrojë derisa të teret. Pastaj fytyra shpërlahet me ujë të nxehtë.

Maska me Mjaltë

Mund ta lyeni fytyrën me mjaltë pasi ta keni pastruar atë mirë. Pas 20 minutash mund ta shpërlani fytyrën me ujë të vaket.
Mjalti ndihmon për ta stabilizuar hidratimin e qelizave.
Për të sheshuar rrudhat

1 te verdhte e veze
1luge kos
1 luge mjaltë
Përzihen te gjitha këto bashkë deri sa te fitohet një krem të butë. Shpërndajeni nëpër fytyrë dhe në qafë dhe lëreni të veprojë 15 minuta. E më pastaj shpërlajeni fytyrën me ujë të vakët.

Maska me Portokall dhe Mjaltë

Është ideale për të krijuar një efekt energji dhënës në lëkurë. Kjo maskë përgatitet shumë shpejt.

Lyhet fytyra me 3 luge mjaltë (duke evituar zonat rreth syve) dhe pastaj shpërndaje mbi të lëkurën e portokallit (kjo e grire imët). Lëreni te qëndrojë 10 minuta dhe shpërlajeni fytyrën me ujë te vaket.

Maske me banane (për lëkurë te yndyrshme)

1 banane e pjekur dhe e shtypur
1 luge kafeje kos natyral
1 luge kafeje lëng limoni.