Gjatë këtyre ditëve të ftohta dimërore tanimë jemi ngopur nga buzëkuqtë e errët, hijet e zeza kozmetike dhe materialet e rënda, kështu që mezi presim të ngrohet moti dhe të vijnë trendë të rinj.

Ekspertët botërorë të grimit pajtohen se për grimin pranveror preferohen ngjyrat pastele.

Ngjyrat pastele do të mund t’i quanim ngjyra magjike, kur është në pyetje grimi, sepse u rrinë mirë të gjithave. Nga ngjyrat natyrore, deri te nuancat pastele të ngjyrës së portokalltë, të gjitha këto janë ngjyrat të cilat do ta freskojnë fytyrën tuaj menjëherë dhe pa shumë mund.

Buzët

Shkëlqyesit më të preferuar janë mu ata të nuancave pastele, pa marrë parasysh a bëhet fjalë për ngjyrën e kuqërremtë apo krem. Arsyet janë të shumta. Shkëlqyesit e tillë vihen shpejt dhe nuk kërkojnë precizitet të madh, sikur disa shkëlqyes të nuancave të theksuara, e përpos kësaj, ata japin një pamje të freskët aty për aty. Për dallim nga shkëlqyesit e kuq, të kuqërremtë, apo ngjyrë vjollcë, ngjyrat pastele lejojnë edhe gabimet e vogla, prandaj mund të vihen edhe në autobus, automobil, apo lift.

Faqet

Femrat e zbehta përfundimisht mund të ndihen mirë, sepse faqet e tyre nuk durojnë nuanca të forta, apo bronzues të errët, për shkak se fytyra iu duket e njollosur. Bojëkuqët e lehtë janë si të bërë për to, kurse struktura e kadifenjtë i jep fytyrës së tyre një shkëlqim shtesë. As femrat më të zeshkëta nuk duhet të përmbahen nga tonet pastele në fytyrë. Për to janë më të përshtatshmet prodhimet me strukturë të kadifenjtë, të cilat vihen në majë të faqeve, duke theksuar konturat e fytyrës.

Sytë
Ekspertët e grimit preferojnë që, në këndin e brendshëm të syve, gjithmonë të vejmë pak hije shkëlqyese, në mënyrë që sytë të duken më të mëdhenj dhe më të pushueshëm. Atëherë pse të mos provojmë ta vejmë lapsin me ngjyrë të kuqërremtë, apo të kaltër pastele? Nuancat pastele të ngjyrave natyrore dhe e kuqërremta janë ideale për një pamje të freskët në mëngjes.

Ekzistojnë tri rregulla bazë të cilave patjetër duhet t’u përmbaheni.

1. Hijesimi patjetër duhet të jetë i bardhë – me atë rast mund bëheni “in” por me shkëlqim me efekt ngjyrë argjendi, kujdes jo tepër vizelluese, sepse do ta shkatërroni efektin e tejdukshmërisë.

2. Nëse dëshironi, mund të rrethakoni syrin me linjë të zezë (me laps, tush).

3. Përdorni buzëkuqin e ndritshëm në buzë – në tenin e lëkurës apo ndonjë ngjyrë të ndritshme të tejdukshme.

Shpesh për shkak të dembelisë apo pakujdesisë i bëjmë disa gabime, të cilat kanë të bëjnë me higjienën personale dhe me pamjen tonë.

Dëgjoni këshillat e dermatologëve, në mënyrë që ta dini se si të përkujdeseni për trupin tuaj dhe çka duhet të evitoni.

1.Nuk e hiqni grimin nga sytë

Pastrimi sipërfaqësor i fytyrës është gabimi më i shpeshtë i shumicës së femrave. Në mënyrë që ta hiqni grimin nga fytyra ashtu si duhet, si dhe që të mos ju paraqitet skuqja në dhe rreth syve, përdorni gjithmonë preparate kualitative për heqjen e grimit, i cili përmban ekstrakt të kamomilit.

2.I kafshoni buzët

Për shkak të kësaj shprehie të keqe, vjen deri te shkatërrimi i mukozës, e cila është një mbrojtje natyrale e organizmit. Kjo çon edhe deri te dehidrimi i buzëve, gjë që e vështirëson gjendjen edhe më shumë. Kjo dmth se buzët nuk duhet t’i lëpijmë shpesh, ngase një gjë e tillë vetëm sa i thanë edhe më shumë.

3.Shkulja e çrregullt e vetullave

Nuk preferohet që të shkulni vetullat pak nga pak, sa herë që t’iu teket, sepse në këtë mënyrë do të keni vetulla të çrregullta. Në mënyrë që vetullat të jenë në përputhje me fytyrën, shkuljen e tyre duhet ta bëjë eksperti.

4.Nuk përdorni qumësht për pastrimin e fytyrës

Qumështi për pastrimin e fytyrës nuk është krem hidratues, i cili duhet të lihet që të veprojë, por duhet të hiqet me ujë ose tonik. Nëse qumështin kozmetik e lini për një kohë të gjatë në fytyrë, atëherë lëkura juaj do të thithë përbërësit e tij, të cilët janë të dëmshëm për organizmin.

5.Nuk i lyeni thonjtë si duhet

Nëse pas vënies së llakut të thonjve nuk veni përforcues, atëherë gaboni. Ky preparat i bën thonjtë më shkëlqyes, duke e rritur edhe qëndrueshmërinë e llakut në të njëjtën kohë. Problemi i vetëm është se ky preparat teret ngadalë.

6.Dëmtoni lëkurën rreth thonjve

Lëkurën rreth thonjve duhet shtyrë me “shkop” kozmetik, pasi që e keni zbutur më parë. Lëkura rreth thonjve i mbron thonjtë, prandaj heqja e saj mund të rezultojë me infeksione serioze.

7.Pas larjes, nuk e fshini trupin si duhet

Kur jeni përngutë, e bëni dushin me shpejtësi dhe nuk e fshini trupin si duhet. Në mënyrë që ta evitoni skuqjen dhe irritimin e lëkurës, sidomos në palosjet e saj, duhet që pas dushit, lëkurën ta terni mirë e mirë. Dermatologët preferojnë edhe vënien e talkut.

8.I ndrydhni puçrrat

Shumë femra kënaqen duke shpërthyer puçrrat. Heqja e papastërtive nga fytyra kurrsesi nuk preferohet që të bëhet me gishta, për shkak se mund të shkaktoni infektime të pjesëve të tjera të trupit, e me këtë e rrezikoni edhe plasjen e kapilarëve.

Mbremja e Shen Valentinit 2012 po afrohet dhe vajza te dashura nese deshironi te kaloni nje mbremje romantike, me klas dhe nje shikim me te vertet romantik duhet te beheni te parrezistueshme.

Nese jeni te fejuara ose jo, nese jeni te dashuruara ose jo, festa e Shen Valentinit duhet te festohet, me partnerin, me miket…dhe per ate dite te vecante nuk mund te qendroni pa bere nje grim elegant por edhe pak ‘rock’.

Kat Graham, aktore, kengetare, modele dhe balerine zvicerane ka sy te mrekullueshem dhe ne tapetin e kuq ne Los Angeles kishte nje grim per noten 10. Sot do te mesojme te kopjojme kete make-up te bukur te aktores.

Fillimisht per te bere nje grim te tille, duhet te kujdeseni te eleminoni cdo parregullsi ne fytyre, qofte edhe me te voglen, keshtuqe pergatisni nje baze te mire.

Me pas kaloni ne grimin e syve, nje make-up romantik por edhe me te vertet trendy i cili eshte luajtur shume bukur me tonalitet e rozes se theksuar dhe te bardhes te shkelqyer.

Per me teper shikimi eshte bere me joshes fale perdorimit te qerpikeve fallso, aleatet e bukurise per cdo Vip.

Pasi te keni realizuar grimin e syve jepini pak nuanca rock grimit, me nje buzekuqe ngjyre prunje, qe eshte me te vertet i mrekullueshem./ikub/

Rimeli është protagonisti i tendencave të makijazhit në stinën e dimrit. Mjafton një kalim i shpejtë për të pasur një shikim elegant dhe joshës.

Çdo rimel ka karakteristikat e veta i përcaktuar nga forma e furçës dhe nga pigmentet e formulës. Të gjitha këto elementë kontribuojnë për të krijuar efekte të ndryshme, dendësinë, gjatësinë, kur duam të kemi qerpikë të lakuar dhe voluminozë.

Çdo rimel ka një metodë aplikimi, rimeli me furçën e lakuar përdoret me një lëvizje zig zag, rimeli me krehër ka një metodë aplikimi rrotullues, nga rrënjët deri tek majat e qerpikëve. Estetët këshillojnë se duhet të përdorim këto metoda për të pasur një shikim marramendës.

Gjithashtu ata këshillojnë nëse keni pak rrathë të zinj rreth syve, të shmangni lyerjen me rimel për qerpikët e poshtëm, sepse rimeli krijon hije dhe nxjerr në pah defektet poshtë syve. Tek qerpikët e sipërm duhet ta kalojmë atë dy herë që të duken më të dendur.

Rimeli praktik

Për të aplikuar sa më mirë rimelin është e rëndësishme të mos e lëkundni dorën dhe aplikimi do të jetë më i lehtë edhe për duart jo shumë eksperte.

Rimeli i përkulur

Shumë make up artistë këshillojnë që para se të aplikoni rimelin, përdorni kthyesen e qerpikëve. Sepse nëse qerpikët janë të kthyer nga sipër duken sikur janë të lyera me rimel.

Rimeli voluminoz

Rimeli, pasi thahet, shpesh herë duket i zymtë. Përdorni rimel që ruan dritën dhe që u jep syve një efekt të dukshëm dhe brilant.

Rimeli i përshtatshëm

Nëse qerpikët janë të krehura mirë dhe të ndara nga njëri tjetri, rimeli përshtatet shumë lehtë në çdo qerpik. Duhet të aplikoni rimel që ka një furçë të dendur që zgjat dhe ndan qerpikët tuaj.

Rimeli shumë voluminoz

Qerpikët e hollë dhe jo shumë të dendur kanë nevojë për një produkt më specifik. Specialistët këshillojnë se në të tilla raste aplikoni rimel voluminoz që kanë dy baza ngjyrash, një e bardhë, që iu jep qerpikëve një efekt voluminoz dhe të padukshëm dhe nga ana tjetër baza e zezë që i zgjat.

Rimeli më në modë

Tendencat e fundit në botën e makiazhit këshillojnë që t’iu japim qerpikëve ngjyra, mbi të gjitha tek majat. Ngjyrat që rekomandohen janë lejlaja për sytë me ngjyra të errëta dhe jeshile për sytë me ngjyra më tropikale.

Stilistët theksojnë se sa më të mëdha dhe më të shpishura që janë flokët, aq më bukur duken.

Falë këtij modeli të flokëve dhe volumit që u dhurohet atyre, femrat duken më të shëndosha dhe më të gjata, kjo është mënyra që i shkon për shtati një femre.

Flokët e mëdha japin një shkëlqim imazhit të një femre dhe në këtë mënyrë duken glamuroze dhe romantike.

Një model të tillë, nuk mund ta mbani në kokë për më gjatë se dy ditë, ngase janë shumë përbërës që vendosen në kokë që një model i tillë i flokëve të duket si më së miri.

Tonërat në ngjyrë ari janë shumë të bukura sidomos nëse doni të shndërrisni nën dritën e reflektorëve, por gjithmonë duhet të keni kujdes që të mos ekzagjerohet.

Zgjidhni ngjyrën e bardhë nëse keni lëkurë me pigment të fortë dhe nëse keni lëkurë të zbehtë, këshillohet që të përdorni ngjyrat e forta.

Nuk këshillohet që të përdorni kremra të cilët mund të krijojnë edhe efektin e një lëkure më të nxirrë sepse mund të krijojnë një raport mjaft të keq me tonërat e syve.

Mund të jetë e vështirë t’i rezistoni ngjyrave të errta për sytë por një gjë e tillë këshillohet fuqishëm gjatë këtij sezoni. Përdorni kafen e hapur, apo edhe grinë e lehtë dhe në vend të lapsit krijoni një hije të lehtë me ngjyrën e tonit që keni përdorur për qepallat.

Jo shumë rimel

Shmangni përdorimin e shumtë të rimelit, sepse një gjë e tillë e zbeh dhe e shuan shikimin tuaj. Asnjëherë mos vendosni rimel mbi sy që janë të lyer sepse efekti vizual do të ishte shumë negativ. Mos përdorni shumë fondotinë, sidomos të një ngjyre e cila bie shumë në sy, e kontrastohet dukshëm me lëkurën tuaj dhe kjo bën që të krijohet dallimi i tmerrshëm në pjesën e qafës. Përsa i përket buzëkuqit përdorni ngjyra të lehta.

Shpesh herë gabimet që bën një femër, kanë lidhje me mënyrën sesi ajo trukohet pasi tenton të përdorë make-up të rëndë. Rëndojnë sytë duke zbehur natyralitetin dhe freskinë që i karakterizon, pikërisht atë që duan më shumë meshkujt tek ato!

Keni floke te gjate dhe doni te dini cilat do jene modelet e 2012-es?

Floket e gjate, te gjitha tendecat e 2012-es.

Ja disa ide./ikub/

Mes esencave te vitit te ri, nuk mund te mos thoshte fjalen e saj persa i perket parfumeve Victoria’s Secret, qe per 2012 hedh ne treg Simply Gorgeous, aroma e re per fansat e kesaj marke.

Te apasionuarat e brand-it mund ta mbajne mend propozimin e pare te Gorgeous Collection, ne fakt ky eshte nje version i ri i atij produkti. Victoria’S Secret ka synuar per nota frutash dhe lulesh, si mandarina dhe lule tropikale. Nje dhurate per Shen Valentin? Victoria’s Secret ka dashur te krijoje nje ambalazh, qe permban versionin e vjeter te parfumit.

Pas Simply Gorgeous, brand-i i Victoria’s Secret ka lancuar nje arome te re Bombshell in Love, e cila eshte nje arome e limituar per Shen Valentinin 2012, ashtu sikurse dhe intimo i prezantuar se fundi. Parfumi sjell nota romantike dhe glamour, qe mberthejne ndjenjat./ikub/

Kanë filluar duke “eksperimentuar” me fytyrat e kukullave e të shoqeve dhe kanë përfunduar duke qenë pjesë e pandashme e klipeve dhe xhirimeve të ndryshme.

Vetëm një vijë e hollë e ndan këtë punë midis artit dhe biznesit. Në kryeqytet ka sallone ku çmimi që duhet paguar për grim tejkalon edhe pagën minimale në Kosovë, 130 euro. Konkurrenca është e fortë.

Me çmime prijnë ato që kryejnë shkollë për këtë punë. Prej atyre që e kanë profesion të parë e deri te grimerja që braktisi mjekësinë për të bërë grim, lista e tyre është e gjatë.

”Është një ndër profesionet e pakta që mund të punohet pa ndihmën e natyrës”, ka thënë Sellma Kasumoviq, njëra ndër grimeret më të shtrenjta dhe më të kërkuara të vendit. Vetëm në rrjetin social “Facebook” ajo tashmë ka siguruar 30 mijë e 779 adhurues të punës së saj.

“Është dhunti natyrore talenti im për grim, i cili në fillim ishte pasion, por që tani ka kaluar në profesion”, thotë Kasumoviq, e cila ka mbaruar studimet në Fakultetin e Arteve në UP dhe është certifikuar për shkollat profesionale për make-up, që i ka përfunduar jashtë vendit.

Përveç punëve të zakonshme që kryejnë nëpër studiot e veta, grimeret kanë zënë vend si staf i pandashëm i këngëtarëve. Përderisa në shtetet e tjera e kanë të obliguar të kryejnë studime për të qenë një make-up artist, në Kosovë shumica e fillojnë këtë punë si art apo edhe si zanat.

Tesa Gashi (21) dhe Florentina Tafolli (27), njëra nga Prishtina e tjetra nga Suhareka, nuk janë shkolluar për të qenë grimere, por atë punë e bëjnë vetëm nga talenti që kanë.

Gashi, e cila momentalisht merret me angazhime të tjera për profesionin e saj, punën e grimeres e sheh me syrin e artistes.

Ajo e realizon grimin në një mënyrë shumë të veçantë. Nata e Shtrigave është një ditë tejet e ngarkuar pune për të.

“Grimin e konsideroj si një pjesë të veçantë të artit. Përderisa profesion kam diçka krejt tjetër, grimi prapë mbetet një ndër pasionet që më lidhin me art”, ka thënë Gashi.

Ajo ka synuar t’u shmanget shablloneve të krijuara deri më tash dhe është munduar të sjellë diçka krejt ndryshe.

“Arsyeja që më ka lindur dëshira për t’u marrë me grim ishin filmi, teatri dhe fotografia. Mendoja që kreativiteti i grimit mund të shprehej në një mënyrë shumë unike”, ka shtuar ajo.

Edhe pse e re në moshë dhe puna e saj ka startuar vetëm para një viti, nëpër duart e saj kanë kaluar shumë këngëtare të famshme të estradës.

Talentin e saj ajo së pari e shfaqi në rrjetin social “Facebook”, ku ka arritur të krijojë shumë fansa dhe nga aty kanë filluar kërkesat.

Kolegia e saj Tafolli ia ka mësyrë të futet në treg pikërisht me çmimet e ulëta në krahasim me sallonet në kryeqytet. Ajo e pranon se bën grim për biznes. Ka më hesap të bëjë grim sesa të ushtrojë profesionin për të cilin ka diplomë.