Mes esencave te vitit te ri, nuk mund te mos thoshte fjalen e saj persa i perket parfumeve Victoria’s Secret, qe per 2012 hedh ne treg Simply Gorgeous, aroma e re per fansat e kesaj marke.

Te apasionuarat e brand-it mund ta mbajne mend propozimin e pare te Gorgeous Collection, ne fakt ky eshte nje version i ri i atij produkti. Victoria’S Secret ka synuar per nota frutash dhe lulesh, si mandarina dhe lule tropikale. Nje dhurate per Shen Valentin? Victoria’s Secret ka dashur te krijoje nje ambalazh, qe permban versionin e vjeter te parfumit.

Pas Simply Gorgeous, brand-i i Victoria’s Secret ka lancuar nje arome te re Bombshell in Love, e cila eshte nje arome e limituar per Shen Valentinin 2012, ashtu sikurse dhe intimo i prezantuar se fundi. Parfumi sjell nota romantike dhe glamour, qe mberthejne ndjenjat./ikub/

Varshmëria juaj për aromat e këndshme është krejtësisht e kuptueshme, sepse secili dëshiron dhe pëlqen të ketë erë të mirë. Aroma ndikon në gjendjen e shpirtit, e dëshmia më e mirë për këtë është aroma-terapia.

Nëse doni t’i përdorni aromat tuaja të preferuara, përdorini me mençuri, sepse ekzistojnë rregulla të cilave duhet t’u përmbaheni nëse dëshironi të lini një erë të këndshme pas vetes. Aroma është si nënshkrimi juaj personal.

Nëse dëshironi të lini aromë të këndshme pas vetes, përpiquni t’i keni në konsideratë këshillat e mëposhtme.

Vënia e sasisë së tepruar të parfumit mund të ketë efekt të kundërt dhe këtu vërtet që vjen në shprehje teoria, se më pak në fakt është më shumë. Përpiquni të lini pas vetes aromë të këndshme dhe subtile, meqë sasia e tepërt e parfumit mund të jetë shumë bezdisëse. Përshtateni aromën e parfumit me ngjarjen dhe mësojeni dallimin mes forcës së aromave të ndryshme, në mënyrë që të mos e teproni.

Parfumin mbajeni larg nga drita

Mbajtja e parfumit larg nga drita ndihmon të ruhen vetitë kimike të pandryshueshme, sepse drita mund t’i ndryshojë. Ky ndryshim mund të çojë deri tek ndryshimi i produktit. Mbajeni parfumin në paketimin e vet ose diku larg nga drita, sepse në këtë mënyrë do të mund të kënaqeni me të më gjatë. Edhe parfumin mund ta ruani në frigorifer, sepse në këtë mënyrë do të ruani vetitë e tij, e sigurisht që edhe do të ju freskojë gjatë ditëve të nxehta të verës.

Aromë të lehtë apo të rëndë?

Ekzistojnë lloje të ndryshme të aromave, e ju duhet të gjeni atë që është e përkryer për ju dhe t’ia përshtatni ngjarjes. Eau fraiche është shumë i lehtë, zgjat rreth 2 deri 3 orë. Eau de Toilette (EDT) ruan rreth 20 për qind të erës së vet gjithë ditën. Eau de Parfum (EDP) zakonisht ruan 30 deri 40 për qind të aromës gjatë ditës. Ekstrakti i parfumit ruan rreth 50 për qind të aromës gjatë ditës dhe jep përqendrimin më të madh të ekstraktit, kështu që edhe është më i shtrenjti.

Le të zgjasë

Nëse dëshironi që parfumi të zgjasë më shumë zgjidhni produkte shtesë, siç janë gjelet për dush dhe losionet për trup. Bëni dush me gjel, lyejuni me losion për trup në mënyrë që të ushqehet lëkura, e pastaj e vini parfumin.

Ku ta vini parfumin?

Nëse doni që parfumi të zgjasë më shumë, vëreni drejtpërdrejt në lëkurë. Vëreni parfumin në “pikat e nxehta” për shembull në pikat ku keni puls. Këto pika do ta ngrohin lëkurën, ndërsa parfumi do ta mbështjellë trupin tuaj sikurse mëndafsh.

Si të përzgjidhet parfumi?

Përzgjedhja e parfumit përfundimisht nuk është punë e lehtë, dukë pasur parasysh lloj-llojshmërinë e ofertës. Nuk janë të gjithë përbërësit të njëjtë e as nuk do të komunikojnë mirë me lëkurën tuaj dhe të sigurojnë aromën e cila do të jetë e këndshme. Provoni vetëm 2 ose 3 aroma në lëkurë në të njëjtën kohë, sepse më tepër do t’ju hutojnë dhe nuk do të jeni në gjendje të vendosni se cili është ai që ju përgjigjet…

Lëreni parfumin që ta zhvillojë aromën e vet rreth 5 orë para se të merrni vendimin, sepse në këtë mënyrë do të keni mundësi të zbuloni notat themelore të aromës dhe shtrirjen e tij.

Parfum i caktuar për pjesë të caktuar të ditës

Gjatë ditës vini parfum të lehtë dhe të freskët, sepse ata janë më të mirët. Aromat e luleve, të frutave ose të limonit janë të përshtatshme gjatë ditës. Për mbrëmje mund të zgjidhni parfume më ekzotikë e të fortë.

Ndërrojeni parfumin tuaj kohë pas kohe

Nëse gjithmonë përdorni parfumin e njëjtë, hunda në fakt mund t’ju mësohet me të. Përpiquni që kohë pas kohe të ndërroni parfumin tuaj, që të mos mësoheni më të, sepse më nuk do të keni mundësi të përcaktoni forcën e tij.

Mbamendja e aromave është shumë më e fuqishme se format e tjera të rikujtimit.

Jo, jo, nuk duam t’jua kujtojmë se para se të përdornit parfumin, duhet së pari të bëni dush, pastaj të lyheni me qumësht nga e njëjta linjë dhe të spërkateni bujshëm me aromë parfumi.

Poenta qëndron në atë që notat më të këndshme t’ju shoqërojnë që nga mbrëmja, kur shkoni në festim të natës së Vitit të Ri, deri në mëngjes, në formë dhe në intensitet të cilin ju e preferoni …

E dashura e botës Kylie Minogue thjesht verbëron. Ajo shkëlqen si një yll i vezullues në qiell – i pastër, i çmuar dhe paskajshëm i bukur.

Esenca më e thellë e aurës rrezatuese të Kajlit tash është kapërthyer në parfumin e saj të ri: Kylie Minogue Dazzling Darling.

Kylie rrezaton bukuri të natyrshme, feminitet dhe sensualitet të habitshëm. Vibruese dhe plot jetë, ajo ka një cilësi të pamohueshme ylli, që ndriçon dhomën.

Sharmi dhe dashuria magjepsëse e saj bëjnë tërheqjen magnetike që inspiron ngrohtësi, dashuri dhe admirim.

Edhe pse u bënë vite që ky serial ka përfunduar, “Sex and the City” mbetet në top listën e preferencave të femrave

Ky fakt frymëzoi drejtuesit e kanalit HBO që në bashkëpunim me një kompani të njohur parfumesh, të lancojnë dy parfume:

“Sex and the City” dhe “Sex and the City by Night”.

Prodhuesit thonë se parfumet të kujtojnë serialin, pasi janë aromat që përdornin protagonistet Carrie, Samantha, Miranda dhe Charlotte.Pra, aromat që simbolizojnë magjepsen e përjetshme që ky serial u ka shkaktuar teleshikueseve.Koleksioni përfshin përveç aromave, edhe disa dhurata për dush.Në Amerikë parfumi ka dalë në qarkullim dhe mund të blihet edhe nëpërmjet internetit. Ndërsa në Europë do të vijë në fillim të 2012-ës.

Njerëzit preferojnë të kenë të njëjtat gjëra që kanë edhe prominentët. Të njëjtin parfum të dukeshës Kate Middleton ose pulovrën e themeluesit të Aple, Steve Jobs. Pse ndodh kjo?

Brenda pak orëve u shitën të gjitha rezervat që ndodheshin në magazina.

Zyra e shtypit e Mbretërisë britanike nuk e kishte dhënë ende informacionin, kur prodhuesi i parfumit “Illuminum” përjetoi shitjen e të gjithë produktit aromatik “White Gardenia Petals”. Sipas tij, këtë parfum ka hedhur dukesha Kate Middleton, e kthyer ndërkohë zyrtarisht në Catherine Mountbatten-Windsor, në ditën e martesës me princin britanik, Prinzin William.

Aromë mbretërore për Copy Cats

Claudia ishte një nga blerëset e para. E reja britanike këshilloi në Youtube-TrauerBeauty-Diary të gjithë ata që “duan të kenë shkëlqim mbretëror në koleksionin e parfumeve”, që ta blejnë këtë parfum sepse është shumë mirë “të zotërosh diçka eksluzive, që nuk e kanë të gjithë”.

Kur pyet njerëzit në rrugë, ose në rrethin e miqve nëse dikush e ka blerë këtë parfum, atëherë merr një përgjigje “jo”.

E kombinuar me fjalinë: “Që një star ka këtë parfum nuk do të thotë që edhe unë duhet ta kem”. Ose: “Unë mendoj se në këtë rast humbet një pjesë e personalitetit.”

Kopjimi nuk dëshirohet nga ana sociale

Kur i tregon këto, Udo Göttlich qesh. “Më bëni një favor. Mos i pyesni njerëzit në këtë mënyrë!”, thotë profesori i sociologjisë në Universitetin e Duizburgut. Individët që sot në publik mbahen për autonom dhe vetë-përcaktues, do e mohonin një pyetje të tillë. Të kopjosh dikë, nuk dëshirohet nga pikëpamja sociale. Dhe megjithatë, të gjithë e bëjmë një herë, thotë Göttlich. Çdo herë kemi të bëjmë me “vendim të stilit të jetës”. Nëse për shembull zgjedh një parfum të një prominenti që preferon, atëherë njeriu ndihet i konfirmuar se ka marrë vendimin e duhur.”

Njerëzit janë qenie sociale dhe kanë nevojën e orientimit tek të tjerët, thotë Udo Göttlich. “Ne jemi të detyruar të shohim veten tek të tjerët. Prandaj ndodh që prominentët kthehen në njëfarë mënyrë në pika orientuese, sepse ne shohim tek të tjerët që reagojnë në mënyrë pozitive ndaj idolesh dhe prominentë të tillë.” Nëse matesh në njëfarë mënyre me habitusin e tyre, atëherë pret që në të njëjtën mënyrë të shihesh dhe ti pozitivisht.

Me kopje një copëz prominencë

Ky efekt mund të shpjegojë edhe hype për pulovrat e zeza të Steve Jobs. Që prej vdekjes së themeluesit të Apple-Gründers, gjithnjë e më shumë njerëz duan të kenë një pulovër të zezë, si ajo që “i-God” ka mbajtur rregullisht që prej fillimit, pulovrën për të cilën prodhuesi i preferuar ka shënuar kohë të gjata pritjeje.

Së bashku me pulovrën blihet edhe një copë prominencë. Ata që e adhurojnë Steve Jobs, do të njohin edhe pulovrën e tij. Mrekullimi dhe imitimi nuk kufizohet vetëm tek prominenca, thotë Doris Mathilde Lucke nga Universiteti i Bonit: “Unë kam përjetuar një skenë në një dyqan. Një grua e re bleu një copë djath dhe një shishe verë dhe tha: Unë mund të blej të njëjtën gjë që blen edhe shefi im! Kjo rrit vlerësimin e vetvetes”.

Një femër për të qenë vërtetë e parezistueshme duhet të posedojë një aromë që të bëj dallimin midis të tjerash të bëj të kuptoje personalitetin.

Zbuloni klasifikimin e 10 parfumeve më të famshëm dhe zgjidhni esencën që akordohet më mirë me karakterin tuaj.

1. Chanel N°5, për një femër të sofistikuar
   Klasiku mbetet ai, Chanel N°5, e ka mbajtur edhe diva Marilyn Monroe, elegante dhe e rafinuar por me pak çmenduri që të bën të parezistueshme. Nëse dëshironi të jeni gjithmone shik Chanel N°5 është ai që bën për ju.
2. CK One, për femra të sigurta në vetvete.
   Kur doli në tregun e parfumerisë ai u bë menjëhere parfum në tendencë! Një parfum uniseks në kohet kur femrat shihnin siguri dhe vendosmëri në barazinë e me koleget e tyre meshkuj. Jo vetëm, CK One është edhe simboli i një sensualiteti të vetëdijshëm tek femrat, edhe ato kishin mësuar të luanin me seksin.
3. D&G Light Blue, për ato që duan të joshin
   Falë një fushate promocionale të suksesshme D&G Light Blue, parfumi i firmosur nga D&G është futur në listen e parfumeve më të famshëm. Nësë jeni joshëse të vërteta të zonjat për të joshur vetëm me një shikim, Light Blue është ajo që po kërkoni për tu bëre absolutisht të parezistueshme.
4. Flower by Kenzo, për femra minimale
   Nëse ju pëlqen thjeshtësia dhe ndjeheni misterioze si femrat e orientit antik, nëse për të joshur ju duhet diçka më shumë se aksesorët, nje sprucim nga Flower by Kenzo është ajo që ju duhet. Keni një gusto shik por nuk ju pelqen të dilni haptas, minimalizmi ju përfaqëson më së miri, pak element por të rafinuar dhe kështu parfumi i orientit është ekspresioni më i mirë.
5. Hypnotic Poison, për femrat që duan misterin
   Ashtu si e bukura Monica Belluci, prej kohësh testimonial i Hypnotic Poison, keni një shikim të ngrohtë dhe misterioz që çmend të gjithë meshkujt për kapacitetin e të thënit dhe të mos thënit.
6. J’adore, për ato që duan të komandojnë
   Sigurisht që keni një karakter çapkën, nëse nuk bëhet ashtu siç thoni ju shperthen “fundi i botes”. Nga të dashurit tuaj merrni përkushtimin absolut, jeni ju personi për tu adhuruar! Të gjithë këtë e tregon parfumi mitik J’adore, ideal për kë ka një grusht të hekurt të fshehur në një dorashkë mëndafshi. Të “veshësh” këtë aromë nuk mund të mungoje në 10-en më të mirë.
7. Mitsouko, për femra pasionale
   Nëse jeni romantike dhe ju pëlqen të përkëdheleni në kujtimet e dashurive të pamundura, parfumi Mitsouko nga Guerlain nuk bën për ju! Inspiruar nga një dashuri dashurie ky parfum, është vërtetë i famshëm dhe i përshtatshëm për të gjitha femrat që janë në gjendje të kalojnë çdo pengesë për të kurorzuar pasionin e dashurisë.
8. Rem, për nostalgjiket
   Nuk ka të tashme qe ju tërheq, vështrimi juaj dhe mendja janë të orientuara drejt së kaluarës! Ecni në breg të detit duke dëgjuar dallget e detit dhe lehtësisht lini veten të ikni në boten e kujtimeve, të takimeve të shkuara dhe nostalgjisë. Ndër 10 parfumet më të famshëm për femra, Rem është ai që duhet për ju.
9. Shalimar, për ato që duan aventurën
   Me këtë emër oriental Shalimar ka bërë për vete femrat e të gjithë botës, mbi të gjitha ato që duan aventurën. Shalimar është ndër parfumet më të famshëm për femra, vetëm me të nuhatur aromen do të udhëtoni në toka të largëta..
10. Acqua di Giò for Men, për femrat që duan sfidat
    Nje parfum meshkujsh në 10 parfumet më të mira për femra? Po, sepse Acqua di Giò është aq fantastik saqë nuk mund të përdoret vetëm nga meshkujt! Edhe femrat që duan sfidat dhe të futen në lojë në çdo situatë mund të kenë të drejtë të përdorin Acqua di Giò parfumin e tyre.

Aromat i shtojnë karakterit tonë një dimension më shumë, na identifikojnë me lule, mjedise ekzotike, vende, persona.

Aromat janë pjesë e pandarë e jetës sonë. Janë fillimisht ato natyrale si era e flladit të detit, aroma e tokës së lagur pas shiut në një pyll me pisha, aroma e një fushe me grurë në një ditë të nxehtë vere, apo aromat e pafund të luleve dhe deri te vetë aroma e lëkurës sonë që, në disa variacione të saj, është e jashtëzakonshme.

Por që nga lashtësia, njeriu ka tentuar me të gjitha mjetet dhe mënyrat që t’i shtojë vetes edhe aroma të tjera, ose më mirë t’ua marrë aromat luleve, ujërave, fushave dhe t’i shndërrojë në parfume për përdorim të përditshëm.

Dihet nga faktet historike se që në kohët antike, metodat e përpunimit dhe të përftimit të parfumeve kanë qenë të sofistikuara. Në ditët tona, sigurisht që teknologjia është përmirësuar ndjeshëm dhe formulat e krijimit të parfumeve janë të pafund. Kjo ka bërë që edhe tregu i tyre të jetë shumë i madh.

Sigurisht që është një treg që si në rastin e çdo malli ka një shtresëzim, pra një treg për parfumet e lira me përdorim të përditshëm, për një masë të caktuar njerëzish dhe një treg për një konsumator më elitar, që kërkon të veçantën dhe uniket në produktet që blen. Gjithsesi parfumi është bërë pjesë e pandarë e jetës sonë, pjesë e pandarë e ditës, e natës, e rasteve të veçanta.

Në këtë tërësi markash dhe tërësi produktesh të pafund që reklamohen në mënyrë të vazhdueshme, që dalin në treg, që pëlqehen dhe shijohen nga të gjithë, ka nga ata që mbesin gjatë në memorien tonë si parfume që lidhen me persona, apo ngjarje të caktuara. Është bërë traditë që njerëz të famshëm të prodhojnë edhe linjën e tyre të parfumeve. Dhe në shumë raste suksesi është i garantuar nga emri i personit.

Nëse është një sportist, ai zakonisht synon që të përcjellë me anë të fragrancës së re aromën e shpejtësisë, të freskisë, të rinisë së përjetshme. Nëse është një aktore e bukur, aroma e saj me siguri që synon të përcjellë sharmin e një bukurie që nuk njeh moshë, stilin dhe elegancën e një paraqitjeje të lakmueshme nga të gjithë.

Në rastin e një këngëtareje që është energjike në skenë, parfumi që përcjell, synon të përçojë gjithë forcën, tingullin, entuziazmin, adrenalinën e një skene që arrin të ndezë zemrat e mijëra vetëve.