Të kesh një trup perfekt dhe me formë të shkëlqyeshme shumë herë është e vështirë. Dietat jo gjithnjë kanë efektin e pritshëm dhe janë edhe shumë të mundimshme. Por ekziston një mënyrë e veçantë për të humbur peshë përmes një diete të shëndetshme. 

1: Llogaritni kaloritë Sekreti i të humburit peshë është pakësimi i kalorive që merren përditë. Sasia e kalorive që një person merr në një ditë duhet të jetë më e vogël se sasia që harxhon. 

2: Pakësoni sheqerin dhe yndyrën Rregulli i dytë i është të pakësohet sa më shumë të jetë e mundur sheqeri dhe yndyrat, duke i zëvendësuar me fibra dhe karbohidrate. Mëngjesi juaj duhet të jetë me bazë fibrash dhe jogurt apo qumësht të skremuar. Në drekë është më mirë të konsumoni mishin e vogël apo peshk të shoqëruara me perime. Ndërkohë, darka është në varësi të drekës. Nëse në drekë jeni rënduar në darkë konsumoni diçka të lehtë, dhe e kundërta. Nëse mes vakteve keni uri hani një frutë apo ndonjë perime si ndonjë karotë apo spec. Duhet të pini 1.5 litër ujë në ditë. Gjithashtu mund të pini kafe dhe çaj, por jo kapuçino. Evitoni pije e sheqerosura dhe alkoolin.

3: Ndryshoni Dieta kërkon edhe fantazi. Nëse hani vetëm fruta dhe perime së shpejti kjo dietë do të dëmtojë organizmin tuaj, por edhe do të humbisni shijen për ushqimet. Këshilla më e mirë është të shijoni ushqimet të hani dhe të alternoni produktet që konsumoni. Djathi, mishi apo peshku nuk të shëndoshin, nëse nuk e teproni me to. Nëse preferoni shumë të hani brumëra apo makarona është më mirë t’i shoqëroni ato me perime dhe vaj ulliri. Është shumë e rëndësishme të dini si të kombinoni ushqimet që konsumoni. Kështu, nëse për pjatë të para do të hani një sallatë pjata e dytë të jetë me bazë mishi apo peshku, apo nëse pjata e parë është më bazë brumërash apo makarona atëherë e dyta duhet të jetë me bazë perimesh të ziera, në avull apo të pjekura. Kufizojeni veten vetëm me një gotë verë.

4: Bëni pazar me inteligjencë Evitoni të blini produkte të pasura me yndyra apo sheqerna. Ushqimet që blini, sidomos nëse janë të përpunuara apo konservuara duhet të jenë të shëndetshme. Nëse nuk i rezistoni dot idesë për një ëmbëlsirë, por nuk doni të çoni dëm dietën tuaj, atëherë mund të konsumoni një çokollatë apo një akullore.

5: Lëvizni

Për të rënë në peshë është shumë e rëndësishme lëvizja e rregullt dhe e përditshme. Regjistrohuni në palestër, ngjisni shkallët për në shtëpi dhe mos merrni ashensorin, ecni dhe mos udhëtoni me autobus apo makinë. Në këtë mënyrë do të digjni kaloritë e tepërta dhe do të përshpejtoni ritmin e metabolizmit. Duke lëvizur dhe vënë në punë muskujt do të keni një trup më të lidhur pas dobësimit.

Kujdes: nëse pas ushtrimeve vëreni një rritje të peshës suaj mos u shqetësoni ju thjeshtë po rrisni muskujt, që peshojnë më shumë se yndyrat. Por kjo është një fazë e përkohshme.

6: Vetëvlerësimi

Në një dietë vetëvlerësimi është shumë i rëndësishëm. Mos ndiqni modele të ‘paarritshme’ por mësoni të doni dhe vlerësoni trupin tuaj. Nuk është e rëndësishme se çfarë pamje kanë të tjerët, gjëja e vetme me vlerë është se ti je duke bërë dietën tënde dhe ke rezultate pozitive.

7: Duhet të keni durim Asnjëherë mos prisni të ndryshoni pamjen tuaj dhe të humbisni peshë brenda pak ditësh. Duke ngrënë në mënyrë të ekuilibruar dhe duke u marrë rregullisht me aktivitet fizik rezultatet e para do të vijnë pas 3-4 javësh. Mund t’ju duket shumë kohë, por mos u mërzisni. Durimi është shumë i rëndësishëm në një dietë dhe në humbjen e kileve. Mos u fiksoni pas peshës dhe të filloni të peshoheni çdo javë, apo të matni trupin, vithet apo gjoksi, pasi kjo nuk është mënyra e duhur për të arritur rezultatin e kërkuar.

8: Mos u dëshpëroni

Asnjëherë nuk duhet të harroni një këshillë. Mos u dëshpëroni nëse një ditë e keni ekzagjeruar me të ngrënë apo nëse një javë, si pasojë e stresin, keni ngrënë ushqime me më shumë kalori se sa ajo e ‘lejuara’. Kjo është normale. Asnjëherë mos e ndërprisni dietën në një rast të tillë dhe vazhdoni dietën si më parë.

9: Larg pilulave për t’u dobësuar

Kurrë mos përdorni pilula apo medikamentet që ‘reklamojnë’ dobësimin. Ato thjeshtë çrregullojnë metabolizmin, dhe për rrjedhojë edhe organizmin dhe shëndetin tuaj. Si pasojë do t’ju duhet më shumë kohë për të rigjeneruar trupin tuaj dhe shumë herë edhe duke shtuar në peshë.

10: Stili i jetesës

Pasi të keni arritur peshën që dëshironi, të humbisni kile dhe të keni në trup të bukur mos e lëshoni veten në ushqime pa fund. Filloni të shtoni shumë pak dhe ngadalë kaloritë dhe vazhdoni të hani shëndetshëm. Kjo duhet të kthehet në një stil jetese. Do të vëreni se edhe lëkura dhe humori juaj do të përmirësohet. Do të ndjeheni të bukura dhe të sigurta në vetvete.

Nëse rregullisht ju zë gjumi derisa jeni duke lexuar apo shikuar televizor, kjo mund të ketë pasoja serioze në disponimin tuaj në ditën e ardhshme.

Hulumtimet kanë treguar që drita gjatë kohës së gjumit mund të frenojë prodhimin e melatoninës, hormonit i cili rregullon disponimin dhe prodhohet në errësirë.

Prandaj, më parë kontrolloni nëse i keni fikur të gjithë dritat dhe pajisjet para gjumit në mënyrë që të flini mirë dhe të jeni më mirë të disponuar. /Telegrafi/

Për të fshehur njollat e kuqe mbi lëkurë, të shkaktuara nga të ftohtit, zgjidh një korrektor me nuancë të gjelbër.

Në dimër lëkura tenton të skuqet (sidomos kur është e hollë dhe e ndjeshme). Ja dy zgjidhje:

- Para së gjithash, duhet ta lehtësosh lëkurën me një krem specifik antiskuqje.

- Më pas, fshih skuqjet me një korrektor jeshil (ngjyrë komplementare me të kuqen, e gjelbra i fsheh mirë skuqjet). Aplikoje me gishta në sasi të vogla, në mëngjes para se të vendosësh bazën.

Nëse vuan nga skuqjet, shmang kremrat hidratues me përbërje acidesh të frutave ose retinoli, të cilat mund të provokojnë skuqje të zonave të ndjeshme. Zgjidh një pastrues make up-i hidrarues me bazë sapuni. /Telegrafi/

Anemia është zvogëlimi i rruazave të kuqe të gjakut (RBC). Simptomat e para të anemisë janë shumë të lehta. Këto simptoma paraqiten duke shkaktuar debulesë dhe lodhje të shpejtë.

Ndërsa format më të rënda shfaqin dhembje koke, marramëndje, plagë të vogla në skajet e gojës, çarje të thonjve, mungesë oreksi, zbehje të lëkurës, rrahje të shpeshta të zemrës, frymëmarrje të vështirësuar, dobësim muskulor etj.

Ekzistojnë disa lloje të anemisë kështu që shërimi bëhet në varësi të saj.

Shenjat e anemisë
Analiza e gjakut është metoda më e mirë nëse dyshoni se jeni anemik. Rezultatet e saj do të tregojnë numrin, formën dhe sasisë e eritrociteve, gjithashtu edhe përqindjen e tyre në gjak. Shenjë  e anemisë është niveli i hemoglobinës (Hb). Vlerat normale te hemoglobinës sillen diku rreth 120 deri 160 g/l. Për meshkuj kjo vlerë është 180 g/l, ndërsa për femra 130 g/l.
Shkaktarët e anemisë
Rruazat e kuqe të gjakut formohen në palcën kurrizore dhe gjatë këtij proçesi ajo ka nevojë për hekur,
vitaminë dhe proteinë. Nëse organizmi nuk merr sasinë e caktuar të hekurit, sigurisht që do të arrijë deri tek anemia!
Shkaktarët e anemisë mund të jenë edhe humbja e madhe e gjakut gjatë menstruacioneve, prodhimi i dobësuar i eritrociteve, ose shkatërrimi i rritur i tyre, sëmundjet e veshkeva, mëlçisë, nyjeve, palcës kurrizore, mungesa e vitaminave etj.

Anemia paraqitet si pasojë e mungesës së hekurit. Trupi ynë nuk mund të prodhojë hekur. Rezervat e tij gjenden në rruazat e kuqe të gjakut (të cilat jetojnë gjithsej 120 ditë), pastaj  hekuri  kthehet ne palcën kurrizore, ku formohen eritrocite të reja. Nëse organizmi nuk merr sasi të reja të hekurit, palca kurrizore nuk formon sa duhet eritrocite dhe atëherë mund të paraqitet anemia sideropenike. Këtë lloje të anemisë e karakterizojnë volumi i zvogëluar i eritrociteve.

Sasia e zvogëluar e hekurit paraqitet në këto raste:

- Nevoja e rritur për këtë oligoelement (shtatzënia ose zhvillimi i organizmit);
– Absorbimi i zvogëluar në organet për tretje;
– Gjakderdhjet (cikli apo lëndimet);
– Marrja e pamjaftueshme  përmes ushqimit.

Shërimi i anemisë
Gjatë shërimit të anemisë, me rendësi është të kompensohet hekuri. Roli i tij është të gjendet në sasi të mjaftuar në hemoglobinë dhe të mundësojë bartjen e oksigjenit deri tek të gjitha qelizat e trupit. Ai hyn në përbërje të enzimave të cilat mundësojnë proçeset oksido-reduktuese dhe ndihmojnë në rritjen e rezistueshmërisë së organizmit.
Në natyrë më shumë gjendet në mish të kuq, patate, arra, perimet e gjelbërta etj. Absorbimin e hekurit e ndihmon vitamina C. Vitamina B6 është po ashtu e nevojshme për absorbimin e hekurit, por edhe me i dobishëm ne shfrytëzimin e hekurit ne sintezën e hemoglobinës. Po ashtu, absorbimin e ndihmojnë edhe vitaminat B2, B11, B12, kalciumi, bakri, fosfori, mangani.

Boronica: përmirëson elasticitetin a arterieve dhe nuk lejon krijimin e pllakave arteriale; është demonstruar efektive në përmirësimin e shikimit natën dhe, në përgjithësi, në përmirësimin e shëndetit të syve.

Studime të fundit tregojnë se një nga tipet e boronicës përmirëson aftësitë motore të organizmit dhe funksionet mendore.

Shega: fruti me përmbajtjen më të lartë të anti-oksidantëve. Studimet tregojnë se ka tre herë më tepër fuqi anti-oksiduese në raport me çajin e gjelbër dhe verën e kuqe.

Qershia: përmirëson aktivitetin e organizmit në përgjithësi; cilësi të shumta anti-inflamatore. Përmirëson gjumin e natës në sajë të përbërësit të quajtur melatonin, i cili ndihmon në rregullimin e cikleve të gjumit.

Mjedra: burim i pasur i vitaminës C dhe manganit; mbështet funksionet e sistemit imunitar dhe mbron indet e organizmit. Është i njohur si frut me indeks glicemik të ulët, çka bën që konsumi i mjedrës të ketë impakt shumë të vogël mbi nivelin e glukozës në gjak.

Kranberi: promovon shëndetin e traktit urinar dhe është i efektshëm ndaj infeksioneve urinare.

Manaferra: përmban sasi të larta të fitoestrogjeneve, çka ndihmon në lehtësimin e simpromave të sindromit paramenstrual dhe menopauzës. Ngjyra e errët i dedikohet përmbajtjes së pigmenteve antocianine (anthocyanin) që kanë efekt në nxitjen e një përgjigje inflamatore të shëndetshme.

Në ditët tona, edhe me përparimet e mëdha në fushën e dermatologjisë, trajtimi përfundimtar i strieve nuk është i mundur.

Shmangia e rritjes dhe rënies së shpejtë nga pesha mbetet një mjet i mirë parandalues, veçanërisht në adoleshentët dhe gratë shtatzana.

Tek adoleshentët, striet mund të përmirësohen me kalimin e kohës.

Fillimi i hershëm i trajtimit (në stadin e quajtur striae rubra) ka gjasa të shoqërohet me efikasitet më të lartë në raport me stadin e vonshëm të striae alba, ku qoftë mundësitë e trajtimit, qoftë efikasiteti i trajtimit reduktohet ndjeshëm.

Trajtimet e rekomanduara për dëmtimet e strieve rubra përshijnë përdorimin e vitaminës C, acideve të frutave, retinolit dhe substancave të tjera farmakologjike. Edhe përdorimi lokal i tretinoin është raportuar efektiv, por ai duhet shmangur plotësisht gjatë shtatzanisë dhe ushqyerjes me gji për shkak të efektit nxitës të defekteve të lindura tek fëmijët. Edhe retinoidët e tjerë si adapalene dhe tazarotene janë raportuar efektiv.

Trajtimi me lazer pulsues me energji të ulët është treguar efektiv në përmirësimin e pamjes së strieve. Trajtime të shumtë me interval katër deri gjashtë javë janë zakonisht të nevojshme për të patur efekt. Mendohet se trajtimi me lazer rrit sasinë e kolagjenit duke përmirësuar ecurinë e strieve rubra, ndërkohë që efekti mbi striet alba mbetet i dyshimtë. Një studim i kryer së fundi raporton se gati 90% e pacientëve të trajtuar pati përmirësim “të mirë” ose “shumë të mirë” dhe gati 60% patën përmirësim të sasisë së kolagjenit pas trajtimit. Në një tjetër studim, 55% e pacientëve dhe 40% e mjekëve raportuan rezultate të shkëlqyera të trajtimit. Efektet anësore të raportuara ishin minimale.

Trajtimi me IPL gjithashtu raportohet i suksesshëm në trajtimin e strieve. Ky trajtim ka efekte të pakta anësore dhe duket të veprojë në të njëjtën mënyrë duke përmirësuar prodhimin e kolagjenit dhe fibrave elastike të indit lidhor.

Në rastin e strieve alba, shumë pak trajtime tregohen efikase. Lazeri dhe burimet e dritës UVB arrijnë repigmentim të lëkurës që mbulon striet alba nëpërmjet rritjes së përmbajtjes se pigmentit melanin, hipertrofisë së melanociteve dhe rritjes së numrit të tyre.

Në një tjetër studim, përdorimi i lazerit fraksional demonstroi sukses në përmirësimin e pamjes së strieve alba 2 muaj pas trajtimit. Studimi tregoi rritje të trashësisë së epidermës dhe rritje të depozitave të indit kolagjen dhe elastik. Kjo metodë duket se përmirëson aspektin e strieve alba, sidomos pas trajtimeve të përsëritura.

Është momenti të kuptoni që statusi single në të cilin jeni ka shumë arsye për t’u kënaqur. Ndryshe nga miqtë tuaj të cilët janë të angazhuar në një raport, ju mund të shihni të gjitha anët pozitive të të qenit i lirë.

Jeta juaj mund të mbushet nga momenti në moment me alternativa nga më argëtueset e deri tek më të paprovuarat. Duke filluar me pavarësinë absolute, kohën e pafundme për t’u dëfryer, heqjen dorë nga dietat ekstreme e deri tek të flirtuarit e “pamasë”. Sepse jeni single, që do të thotë shumë arsye për t’ia vlejtur

Të ka qëlluar që të jesh pjesë e një shoqërie ku të gjithë miqtë e tu, shokët dhe shoqet kanë një lidhje apo raport me të cilin plotësojnë veten dhe kohën. Midis tyre kalojnë momente që parë nga këndvështrimi yt duken interesante, tejet zbavitëse dhe argëtuese. Ajo që të shqetëson më shumë është pikërisht mungesa e një raporti të tillë dhe koha që plotësohet prej tij përmes shumë eksperimenteve, emocioneve, ndjenjave qofshin në ulje apo ngritje. Gjithsesi, pavarësisht, negativizmit karakterizues, ndien mungesën e një raporti dhe dashurie me të gjitha oscilacionet e veta. Ajo që të duhet të shohësh është jo vetëm ana elektrizuese e një pasioni apo gricjeje të munguar. Është koha për të parë se pa një raport mund të bësh shumë gjëra të bukura dhe plot ngjyra, aq shumë sa që nuk mund të shkojë kurrë në mend. Duke filluar me daljet në të gjitha oraret e mundshme, festat e përhershme me miqtë (me ose pa të dashurat e tyre), heqja dorë nga dietat më ekstreme, veshja e të gjitha fustaneve apo këmishave Metallica, fokusimi absolut mbi karrierën dhe të flirtuarit e pafund me këdo dhe kurdo. Është gjithçka mbi çmimin e të qenit i lirë dhe shumë të mira që të vijnë prej këtij statusi. Ajo që është vërtet e rëndësishme është të dini ta kaloni sa më mirë kohën “boshe” duke e mbushur atë me alternativat që të serviren. Dhe mbi të gjitha mos u ndieni keq për statusin që keni, duke u bërë subjekt krahasimesh me miqtë e tu. Gëzojeni lirinë dhe të mirat që ju fal beqaria.
Pavarësia, pasuri jo e gjithkujt

Ajo që bën menjëherë diferencën midis të qenit i lirë, beqar dhe i lidhur është pavarësia. Të parët kanë rastin dhe shansin më të mirë për ta shijuar fenomenin deri në fund. Ndërsa të dytët janë të destinuar ta ndajnë atë në pjesë duke u privuar nga kënaqësia e shijimit dhe përjetimit të saj. Kështu mos u mërzisni aspak nëse shoqja jote del me të dashurin në kohën e saj të lirë, sepse ti mund ta mbushësh atë me shumë aktivitete të tjera. Të qenit i pavarur do t’ju ndihmonte të argëtoheshit pa fund, ashtu sikurse do të kishit shanset e përmirësimit të vazhdueshëm. Të qenit vetëm “të detyron” në një fare mënyre të bësh shumë gjëra me forcat e tua, si të gatuarit, të bërit pazar, kontrollin e financave, apo marrjen e një patente. Është mënyra më efikase për të qenë më të aftë dhe vetkontrolluar në përballjen e shumë realiteteve. Pavarësia është një pasuri e çmuar, që jo të gjithë e kanë. Ju bën më të kompletuar dhe të dallueshëm.

Paratë, vetëm tuajat

Nëse dikur keni qenë të angazhuar në një raport, e dini fare mirë se herët a vonë, një pjesë e mirë e kursimeve tuaja shpenzohen lehtësisht për fustanet e të dashurës. Beqaria është mundësia më e mirë për të provuar pavarësinë financiare, sepse s’do t’ju duhet të shqetësoheni aspak rreth darkave që u duhet të paguani apo dhuratave që u duhet të blini.Gjithsesi kjo nuk do të thotë që është koha për të kursyer para, përkundrazi, tani do ta gjeni veten duke shpenzuar më shumë në party, pije, veshje etj. Në fund të fund ajo që ka rëndësi është se jeni zoti i çdo leku që shpenzoni.
Shumë kohë për çdo gjë

Nëse jeni single, nuk do të keni asnjë arsye për të ndenjur kot, pa bërë asgjë. Do të donit të ushtroheshit në palestër për pasur një trup më të bukur, apo të luanit me shokët për orë të tëra futboll? Të rinit deri në orët e vona të mbrëmjes me shoqërinë tuaj, ashtu sikurse të fillonit një kurs për të mësuar veglën tuaj të preferuar? Askush nuk do t’ju pengonte. Jeni vetëm dhe nuk keni impenjime ndaj askujt.

Lamtumirë përshtatjes së pafund

Ajo që ndofta na bezdis të gjithëve kur jemi në një raport është të bërit kompromis. Me pak fjalë, nëse do të hiqnim dorë nga diçka e jona, apo të përshtaturit edhe me ato zakone të vogla që nuk i honepsim dot. Nëse je vetëm, sigurisht nuk do të duhet të durosh gjithçka që s’të pëlqen për hir të partnerit. Nëse dikur mbyllnit veshët teksa e dashura thante flokët çdo mëngjes, tashmë është koha të flesh i qetë. Apo të duruarit e tymit të cigares sa herë që ai do të pinte në çdo lloj vendi. Nuk ka më zakone apo vese acaruese që të duhet t’i tolerosh. Thuajini lamtumirë përshtatjeve të pafundme të cilat ju kanë “bezdisur” për një kohë të gjatë.

Pesha, jo më problem
Një tjetër avantazh i të qenit single është edhe problemi i peshës. Sidomos për vajzat të cilat duket se fiksohen pas komenteve që djemtë u japin qoftë edhe për gramët e shtuar. Në vend që të kujdeseni për linjat tuaja deri në fiksim duke frekuentuar të gjitha llojet e palestrave, jeni “të lirë” të relaksoheni duke i lejuar vetes edhe ca kile më tepër. Tashmë mund vishni të gjitha llojet e veshjeve të “ndaluara”. Këmishat Metallica të preferuara, apo xhinset e gjera nuk do të rrinë më në dollapin e përhershëm. Është koha për të qenë më shumë se kurrë vetvetja duke guxuar deri në limitet e saj.

Spontan, më shumë se kurrë
Të qenurit i lirë dhe i papërfshirë në një raport do t’ju ndihmonte të ishit më shumë se kurrë vetvetja dhe i lirshëm në çdo gjë. Të guxosh për çdo dëshirë tënden është ajo që ke pasur vërtet nevojë. Një shëtitje diku me miqtë e tu, apo një festë e papritur mund të jetë alternativa më e mirë për të kaluar këndshëm. Kësaj radhe nuk do të duhet të pyesësh dikë dhe jashtë të zakonshmes mund të jesh më shumë se kurrë spontan. Në fund të fundit kjo është forca e lirisë, të qenit vetvetja me çdo kusht.

Karriera, fokusi kryesor

Dëshira për të qenë më afër pranë projekteve të punës dhe karrierës tashmë nuk mbetet larg. Dikur ishit më të përkushtuar në raportin tuaj, duke i kushtuar më shumë kohë dhe rëndësi, ndërsa tani mund të merreni fare më mirë me synimet tuaja karrieriste. Në mungesë të një marrëdhënieje, logjikisht, do të kishit më shumë kohë dhe hapësirë për t’u realizuar edhe profesionalisht. Koha që keni në dispozicion është më se e mjaftueshme për të realizuar edhe projekte ekstra të cilat, ndoshta, më parë nuk kishit mundësitë për t’i bërë. Kësaj radhe nuk keni pse dëshpëroheni pse keni sakrifikuar dashurinë për punën, sepse jeni single dhe i lirë.

Të flirtuarit, argëtimi i radhës

E fundit nga radha por jo më pak e rëndësishmja është hapësira e pafundme që do të kishit për të flirtuar. S’ka gjë më të keqe se sa një zë që të thotë gjithmonë se nuk duhet t’i flasësh brunes përballë, apo jo të gjithë komshinjtë duhen përshëndetur njëlloj. Të qenit single ju jep të gjithë lirinë për të folur, takuar, apo flirtuar me kë dhe kurdo do donit. Ndofta mund të jetë një nga gjërat që ju ka munguar më shumë. Përveç kësaj, mund të provoni më tepër sepse këto janë privilegjet që të fal statusi i të qenurit beqar.

Përveçse kanë aromë të këndshme dhe formë praktike, lëvorja e kastravecit vepron në mënyrë qetësuese mbi lëkurën.

Qëroni kastravecin në lëvore të holla, vendosni ato për dhjetë minuta në një pjatë me ujë të ftohtë (vendosni në pjatë edhe disa kocka akulli), dhe pastaj vendosini mbi kapakë ose në gjithë fytyrën.

Kastraveci e zbut dhe e lëmon lëkurën dhe do t’ju qetësojë dhe çlodhi në çdo kohë. Me aq shumë përmbajtje dhe vitamina që ka kastraveci, është bërë shumë i përhapur si në maska fytyre, lëngje dhe shumë e shumë produkte të tjera.

Falë edhe vetisë freskuese, ai do të jetë një ndihmës magjik për shumë probleme të lëkurës, si edhe për pastrimin e thellë të saj.

Secila femër dëshiron freskim të gardërobës edhe pse pranvera mund t’ju duket larg.

Nëse dëshironi të mbani hapin me trendët, hidhjani një shikim këtyre modeleve për sezonin e ardhshëm.

Ne ju propozojmë ngjyrat e ngrohta të sezonit të ardhshëm, me tonalitetet bazë ku mbizotëron e gjelbra e errët, indigo, rozë dhe e kaltër, këto të shoqëruara me tonet vezulluese si pana apo shampanjë.

Gjithmone e me shpesh mbetemi te mahnitur perpara fytyres dhe trupit ne nje gruaje jo me te re, per te cilat koha duket se nuk ka kaluar.

Te qendrosh ne forme gjate pleqerise, tashme nuk eshte nje luks i rezervuar per yjet e televizonit dhe trashegimtaret e pasura.Pervec dhurates se nenes natyre, cdo zonje e planetit toke, duke ndjekur zakone te shendetshme mund t’i jape nje shpulle ose (goditje) morale zyres se regjistrimit duke shpalosur nje forme fizike perfekte.

Deshira per te qendruar dhe kthyer t’u ne forme, per nje 50 vjecare me nje trup jo me elastik, luan nje rol kyc te rendesishem. Jeni gati te shkelqeni? Ja se si:

Ushqimi
Dieta duhet te jete rreptesisht e shendetshme dhe e ekuilibruar. Shume fruta, perime, mish i lehte, peshk. Edhe lengjet jane te rendesishme, pini shume uje, te pakten disa here ne dite, cajra bimore relaksues gjate dites ose caj kamomili. Sigurisht limitoni ushqimet undyrore si produktet e qumshtit, embelsirat dhe te skuqurat.

Aktiviteti fizik
Gjeja me e mire qe duhet te beni eshte te ndiqni nje instruktor te pergatitur, qendrat sportive jane zgjidhja me e mire. Perpiquni te zgjidhni sporte qe, pervec siluetes, mbajne te re edhe zemren; noti, vrapimi, shetitjet e gjata, jane me te mirat. Mundohuni te shkoni ne palester me nje shoqe ose te pakten ne nje qender sportive argetuese, do t’ju sherbeje si nje nxitje per durimin.

Jo duhanit dhe alkoolit
Per hir te se vertetes, nje dolli apo nje gote vere ne darke nuk e mohon njeri, por koha e rum-cola dhe jackut kane perfunduar. Alkooli plak lekuren, shnderron fizikun dhe shkakton demtimin e melcise, nuk duhet te abuzojme. Po cigarja? Ne kete rast, nevojitet nje pushim i paster. Pirja e duhanit, eshte shkak i plakjes se lekures, rrudhave, per nje buzeqeshje te verdhe dhe nese duam te veme qershine mbi torte, sulmet ne zemer dhe kancerin.

Stop stresit
Gjysem shekulli stres eshte mese e mjaftueshme. Relaksohuni! Stresi shkakton pagjumesi, hipertension, lodhje, etj. E nevojshme eshte te ngadalesojme ritmin e punes dhe te deboni cdo gje qe krijon frike dhe shqetesime. Kultivoni pasionet qe i keni lene menjane ne te kaluaren, udhetimet, frekuentoni persona qe ju bejne te ndiheni mire, jane te gjithe perberes te afte te mbushni mireqenien mentale, dhe si pasoje ate fizike.

Flini, flini, flini
Gjumi, cilesia dhe sasia, eshte element kryesor i rinis sone: Abuzoni! Gjumi dhe pushimi eshte elementi thelbesor i rinise, abuzoni me ate! Sa ore gjume? Jo me pak se 7 deri ne 8 ore gjume ne dite, dhe ne orarin e duhur ndermjet ores 23 deri ne 07:00.