Maskat natyrale për flokë

Para se të pikëlloheni me pozitën e flokëve tuaj, shkoni në kuzhinë dhe provoni këto zgjidhje të thjeshta, në mënyrë që flokëve tuaj t’u kthehet shkëlqimi në mënyrë natyrale.

Dielli, era, uji i njelmët, ndotja e ajrit dhe kimikatet janë vetëm disa elemente që ndikojnë në humbjen e shkëlqimit të flokëve gjatë ditës.

Ato heqin vajin natyral nga flokët tuaj, kështu flokët nuk kanë gjallëri, shkëlqim, dhe do të duken si të vdekur. Për fat të mirë, nëna natyrë ka disa këshilla riparuese. Le t’i ndjekim:

Vezët dhe vaji i ullirit
Rrihen dy ve për flokë të shkurtër, 3 për të gjatë, shtohen 3 lugë gjalle vaj ulliri. Me këtë masë lyhen flokët nga rrënjët deri te majat, maska lihet të qëndrojë 30 minuta. Pastaj lahen flokët me shampon, shpërlahen mirë. Vezët përmbajnë njëmbëdhjetë veti themelore, janë lëndë ushqyese dhe janë të pajisura me proteina. Duke e kombinuar me vaj të ullirit, do të fitojmë një fuqizim të dyfishtë!

Avokadoja – tërheqëse
Në një tas, bëjeni një masë të butë, të ngjeshur, nga avokadoja (merret një avokado për flokë të shkurtër, dy për të gjatë). Masën e vendosim në flokë, që nga rrënjët deri tek majat, e lëmë për 20 minuta. Pastaj flokët i lajmë me shampon, i shpërlajmë mirë. Avokadot kanë sasi të madhe të acideve dhjamore dhe janë lëndë ushqyese. Prandaj, ushqeni flokët tuaj!

Arrë kokosi
Ngrohni tri lugë gjelle vaj kokosi dhe butësisht lyhen flokët që nga rrënja deri tek majat, mbështillen me peshqir të nxehtë dhe lihet të qëndrojë për 30 minuta. Pastaj flokët pastrohen me shampon, shpërlahen. I mbushur me antioksidues, vaji i kokosit ndihmon zbutjen e flokëve të tharë dhe të dëmtuar dhe u jep shkëlqim mahnitës.

Uthulla e mollës sidër – mahnitëse!
Përzihet gjysmë gote uthull e mollës me një çerek uji dhe shpëlahen flokët pas shamponimit. Uthulla e mollës është e pasur me acide alfa-hidrokside, e cila ndihmon që flokët të mbeten të lëmuar dhe plotë shkëlqim. Pra, shpëlani flokët me uthull molle, flokët tuaj do të shkëlqejnë pa masë!

1 Comment

  1. lona says:

    a jane te verteta keto maska per floket se nuk i kam perdorur asnjehere dhe kam frike

Leave a Reply